Ռուս կայսերական տան ղեկավար, Մեծն իշխանուհի Ռոմանովան Վլադիվոստոկում հանդիպել է Պրիմորիա երկրամասի նահանգապետ Սերգեյ Դարկինի հետ, «ՌԻԱ-Նովոստիին» տեղեկացրել են երկրամասի վարչության մամուլի ծառայությունում։
Նրա խոսքերով, արարողակարգային հանդիպման ժամանակ Մեծն իշխանուհի Ռոմանովան կիսվել է Վլադիվոստոկում ունեցած իր տպավորություններով։
«Վլադիվոստոկը՝ ժամանակակից, էներգիայով լի քաղաք է և նրա բնակիչները ևս այդպիսին են։ Ես համոզվեցի, որ Պրիմորիա երկրամասը տարբերվում է յուրահատուկ կոլորիտով, հարուստ ավանդույթներով և հերոսական պատմություններով», - ասել է իշխանուհին։
Նա նաև նշել է, որ երկրամասի բնակիչները նրան շատ ջերմ են ընդունել։
«Պրիմորիեն ունի պատմական դեպքերով հարուստ անցյալ, հիանալի ներկա և, անկասկած, հզոր ապագա», - ասել է Ռուս կայսրական տան ղեկավարը։
Նահանգապետը Մեծն իշխանուհի Մարիա Վլադիմիրովնային նվիրել է պրիմորցի հայտնի նկարիչ Սերգեյ Չերկասովի Վլադիվոստոկի տեսարանով մի նկար։
Իշխանուհի Ռոմանովան առաջին անգամ էր այցելում Պրիմորիայի երկրամաս։ Վլադիվոստոկ նա ժամանել է օգոստոսի 6-ին։ Իշխանուհին այցելել է քաղաքի հնագույն փողոցները, մասնակցել աղոթքների և պրիմորցի կազակներին հանձնել է Լուսավորիչ Նիկոլայ Հրաշագործի շքանշանը՝ զինվորական պարտականությունների օրինակելի կատարման համար։
Նա նաև այցելել է Արսենևի անվան թանգարան և «Մարշալ Շոպաշնիկովի» մեծ հակասուզանավային նավը, մասնակցել Խաղաղ օվիանոսի նավատորմի ռազմական հռչակի նվիրված հուշարձանին ծաղկեպսակների դրման արարողությանը, ինչպես նաև այցելել է Վլադիվոստոկի երկաթուղային կայարանը։
Այս տարի Ռուսական Ուղափառ եկեղեցու հրավերով իշխանուհին արդեն այցելել էր Մոսկվա և Ռուսաստանի մի շարք կենտրոնական երկրամասեր՝ Տուլայի, Նովգորոդի, Սամարայի։
Մարիա Վլադիմիրովնան ծնվել է 1953 թ.-ի դեկտեմբերի 23-ին Մադրիդում։ Նա Մեծն իշխան Վլադիմիր Կիրիլլովիչի և Մեծն իշխանուհի Լեոնիդա Գեորգիևնայի (ծնունդով Բագրատիոն-Մուխրանի-Վրաստանի իշխանուհու) միակ դուստրն է։
Կայսրական տան ղեկավարը ավարտել է Օքսֆորդի համալսարանը։ Ռուսերենից բացի նա ազատ տիրապետում է անգլերեն, ֆրանսերեն, իսպաներեն լեզուներին, կարդում և խոսում է գերմաներեն, իտալերեն և արաբերեն լեզուներով։ Հիմնականում բնակվում է Մադրիդում։-0-
