Ռուսաստանն ի վիճակի է թույլ չտալ Ղարաբաղում զինադադարի լայնածավալ խախտումներ. Տեր-Պետրոսյան

ԵՐԵՎԱՆ, 11 ապրիլի. /Նովոստի-Արմենիա/. Ռուսաստանն ի վիճակի է թույլ չտալ Ղարաբաղում զինադադարի լայնածավալ խախտումներ, կարծում է Լևոն Տեր-Պետրոսյանը:

«Քանի որ հրադադարը կնքվեց Ռուսաստանի միջամտությամբ, դա նշանակում է, որ, մանր-մունր փոխհրաձգությունները չբացառած, Ռուսաստանն ի վիճակի է թույլ չտալ զինադադարի լայնածավալ խախտումներ», - ասել է Լևոն Տեր-Պետրոսյանը ilur.am պարբերականին տված հարցազրույցում:

Նրա խոսքով, որպես հետևանք, այս հանգամանքը, բնականաբար, մեծացնում է Ռուսաստանի դերը Ղարաբաղյան կարգավորման առաջիկա բանակցություններում:

Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակվողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։–0–