580.7
6.69
488.19
+28
Եղանակը Երևանում
Հայ

ՊՆ-ում Տոնոյանի մասնակցությամբ տեսանյութը իսրայելական ԱԹՍ-ների մասին մանիպուլյացիա են որակել և բացատրել՝ ինչու

22:12
15 Նոյեմբերի 2020

ԵՐԵՎԱՆ, 15 նոյեմբերի./Նովոստի-Արմենիա/. ՀՀ ՊՆ-ն մեկնաբանել է հանրության մեջ մեծ աղմուկ բարձրացրած տեսանյութը՝ Պաշտպանության նախարար Դավիթ Տոնոյանի մասնակցությամբ, որտեղ նա անդրադառնում է իսրայելական արտադրության անօդաչու թռչող սարքերին:

«Սոցիալական ցանցերում և տարբեր լրատվամիջոցներով ակտիվորեն շրջանառվում է մի տեսանյութ, որտեղ ՀՀ պաշտպանության նախարար Դավիթ Տոնոյանը, խոսելով իսրայելական անօդաչու թռչող սարքերի մասին, վիճարկում է դրանց արդյունավետությունը, իսկ նրա խոսքին զուգահեռ ցուցադրվում են կադրեր, թե ինչպես են հակառակորդի ԱԹՍ-ների կողմից հարվածներ հասցվում հայկական զինուժի մարտական տեխնիկային և անձնակազմին»,- նշվում է ՊՆ մամուլի ծառայության հաղորդագրության մեջ։

ՊՆ-ում նշված տեսանյութն ակնհայտ տեղեկատվական մանիպուլյացիա են անվանել, քանի որ 2016 թվականին կատարված նկարահանման մեջ, այդ ժամանակ ՀՀ ՊՆ 1-ին տեղակալ Դավիթ Տոնոյանը խոսել է 2016 թվականի ապրիլյան մարտական գործողություններիընթացքում հայկական ուժերի դեմ կիրառված իսրայելական, հիմնականում Harop տեսակի «կամիկաձե» ԱԹՍ-ների մասին, մինչդեռ նրա խոսքերի տակ ցուցադրվում են 2020 թվականին կիրառված բոլորովին այլ, թուրքական արտադրության Bayraktar TB2 տեսակի հարվածային ԱԹՍ-ներ։ Այսինքն՝ Դավիթ Տոնոյանը, 2016 թվականին խոսել է սպառազինության մեկ տեսակի մասին, իսկ շրջանառվող տեսանյութում նրա խոսքերը վերագրվում են 4 տարի անց կիրառված սպառազինության բոլորովին այլ տեսակի, որն, ի դեպ, Ադրբեջանի սպառազինության մեջ է հայտնվել Արցախի դեմ պատերազմից անմիջապես առաջ՝ ընդհուպ մինչև 2020 թվականի սեպտեմբեր ամիսը։

«2016 թվականին կիրառված Harop և 2020 թվականին կիրառված Bayraktar TB2 տիպի անօդաչուների միջև տեխնոլոգիական և կիրառական ահռելի տարբերություն կա, և բացարձակ անընդունելի է սպառազինության մեկ տեսակին տրված մեկնաբանությունները վերագրել բոլորովին ուրիշ տեսակի։ Իսրայելական Harop տեսակի ԱԹՍ-ները, որոնք կիրառվել են 2016-ին, հեշտ հայտնաբերելի են, մասնավորապես նաև շնորհիվ շարժիչի աշխատանքի բարձր աղմուկի, որը լսելի է մեծ տարածության վրա,ինչը հնարավորություն է տալիս անձնակազմին պատսպարվել մինչև հարվածը, մյուս կողմից նաև թիրախավորել դրանք»,- նշում են գերատեսչությունից։

Մինչդեռ Bayraktar-ները գործում են անհամեմատ մեծ բարձրության վրա և դրանց հայտնաբերելը շատ ավելի բարդ է։ Իսրայելական Harop-ները, ինչպես 2016-ի, այնպես էլ 2020 թվականի մարտական գործողությունների ընթացքում, համեմատաբար հեշտ հայտնաբերվում և խոցվում էին հայկական ՀՕՊ ստորաբաժանումների միջոցով։ Մասնավորապես, 2020 թվականի մարտական գործողությունների ընթացքում հայկական ՀՕՊ ստորաբաժանումների կողմից խոցվել է շուրջ 200 իսրայելական Harop տեսակի ԱԹՍ։ Մինչդեռ թուրքական արտադրության Bayraktar-ները հայտնաբերելն ու ոչնչացնելը անհամեմատ բարդ է՝ շնորհիվ դրանց բոլորովին այլ տեխնոլոգիական բնութագրերի։ Բայց նույնիսկ այդ պարագայում հայկական ուժերին հաջողվել է պատկառելի քանակությամբ Bayraktar TB2 տեսակի ԱԹՍ ոչնչացնել, ինչի արդյունքում հակառակորդը, որոշ դեպքերում, ստիպված էր ընդհանրապես դադարեցնել դրանց թռիչքները։

«ՀՀ պաշտպանության նախարարությունը կտրականապես անընդունելի է համարում նման մանիպուլյացիաները՝ դրանք վերագրելով վերջին շրջանում նկատվող, հետևողական և ուղղորդված կերպով բանակի հեղինակությանը հարված հասցնելու խիստ վտանգավոր ծրագրերին, և կոչ անում հասարակությանն ու ԶԼՄ-ներին ձեռնպահ մնալ նման էժանագին հնարքներին տրվելուց և դրանք տարածելուց»,- նշվում է հաղորդագրության մեջ:-0-

Partners News
Partners News
ԱՌԿԱ գործակալություն
Բաժնի այլ նյութեր
11:19
03 Օգոստոսի 2021
Հրաշք ծնունդ. Երևանում եռյակ է լույս աշխարհ եկել` 3 տղա (ՖՈՏՈ, ՎԻԴԵՈ)
Հրաշք ծնունդ. Երևանում եռյակ է լույս աշխարհ եկել` 3 տղա.ՖՈՏՈ, ՎԻԴԵՈ
11:09
03 Օգոստոսի 2021
Հայաստանում COVID-19–ի աճ է գրանցվում.նախօրեին 7398 թեստից հաստատվել է 237 նոր դեպք, մահվան դեպք չի արձանագրվել
Հայաստանում COVID-19–ի աճ է գրանցվում.նախօրեին 7398 թեստից հաստատվել է 237 նոր դեպք, մահվան դեպք չի արձանագրվել
11:02
03 Օգոստոսի 2021
Խորհրդարանական ընդդիմությունը կդիմի ՍԴ և կվիճարկի ԱԺ խոսնակի ընտրությունների արդյունքները
«Հայաստան» և «Պատիվ ունեմ» ընդդիմադիր խմբակցությունները կդիմեն Սահմանադրական դատարան, որպեսզի վիճարկեն ԱԺ խոսնակի ընտրությունները
10:15
03 Օգոստոսի 2021
Զինվորին գտել են մահացած, Գալուստ Սահակյանի որդուն էլ մեղադրում են իմքայլականի ծեծի մեջ․ՈւՇԱԳՐԱՎ ԼՈւՐԵՐ (ՎԻԴեՈ)
Զինվորին գտել են մահացած, Գալուստ Սահակյանի որդուն էլ մեղադրում են իմքայլականի ծեծի մեջ․ՈւՇԱԳՐԱՎ ԼՈւՐԵՐ.ՎԻԴեՈ
22:20
02 Օգոստոսի 2021
Ավինյանը հեռանում է փոխվարչապետի պաշտոնից, նա հայտարարել է տարաձայնությունների մասին
Ավինյանը հեռանում է փոխվարչապետի պաշտոնից, նա հայտարարել է տարաձայնությունների մասին
20:40
02 Օգոստոսի 2021
Ադրբեջանը կրակ է բացել հայկական դիրքերի ուղղությամբ
Ադրբեջանը կրակ է բացել հայկական դիրքերի ուղղությամբ
19:10
02 Օգոստոսի 2021
Ալեն Սիմոնյանն` ԱԺ նախագահ
Ալեն Սիմոնյանն ընտրվեց ԱԺ նախագահ
18:40
02 Օգոստոսի 2021
ՀՀ նախագահը տարածքային կառավարման և ենթակառուցվածքների նախարար է նշանակել
ՀՀ նախագահը տարածքային կառավարման և ենթակառուցվածքների նախարար է նշանակել
18:36
02 Օգոստոսի 2021
Մակունցը նոր պաշտոն ստացավ
Լիլիթ Մակունցը նոր պաշտոն ստացավ
17:41
02 Օգոստոսի 2021
10 ժամ ջուր չի լինի Երևանի վարչական շրջաններից մեկում
10 ժամ ջուր չի լինի Երևանի վարչական շրջաններից մեկում
16:09
02 Օգոստոսի 2021
Նախագահը փոխվարչապետ, պաշտպանության նախարար և ևս երկու նախարար է նշանակել
Հայտնի են ՀՀ փոխվարչապետի, պաշտպանության նախարարի և ևս երկու նախարարների անունները
16:03
02 Օգոստոսի 2021
Ընդդիմությունը հեռացավ ԱԺ նիստերի դահլիճից` բոյկոտելով ԱԺ նախագահի թեկնածության քննարկումը (ՎԻԴԵՈ)
Ընդդիմությունը հեռացավ ԱԺ նիստերի դահլիճից` բոյկոտելով ԱԺ նախագահի թեկնածության քննարկումը.ՎԻԴԵՈ