Պատշգամբից ընկած երեխան վիրահատության կարիք ունի

ԵՐԵՎԱՆ, 28 հուլիսի. /Նովոստի–Արմենիա/. Երեխան, ում նախօրեին իրենց տան 2-րդ հարկի պատշգամբից անզգուշաբար ցած էր գցել տատիկը, ունի գանգուղեղային և վերջույթների բազմակի տրավմաներ:

Ինչպես «Նովոստի–Արմենիա» գործակալությանը տեղեկացրին «Սուրբ Աստվածամայր» բժշկական կենտրոնի վերակենդանացման բաժանմունքից, նրա վիճակը գնահատվում է ծանր կայուն: Առայժմ երեխային բուժում է նշանակված, սակայն կայունանալուց հետո վիրահատության կարիք կլինի։


Ավելի վաղ հաղորդվել էր, որ 2–ամյա երեխան բժշկական կենտրոն էր տեղափոխվել հուլիսի 27–ին` ժամը 14:40-ի սահմաններում, «պոլիտրավմա» ախտորոշմամբ։ Ոստիկանները պարզել են, որ նշված տան 2-րդ հարկի պատշգամբի մոտ երեխայի տատիկը՝ 54-ամյա Ա. Ս.-ն, երեխային օրորելու ժամանակ գրկից անզգուշաբար պատշգամբից գցել է:

Փաստի առթիվ Ոստիկանության Նոր Նորքի բաժնի հետաքննչական բաժանմունքում նյութեր են նախապատրաստվում:-0-