Օդերևութաբանները Երևանում ձյուն և սառնամանիք են խոստանում

ԵՐԵՎԱՆ, 12 հունվարի. /Նովոստի–Արմենիա/. Հայհիդրոմետկենտրոնը ներկայացրել է առաջիկա օրերի եղանակի կանխատեսումը։

Հունվարի 11–ի երեկոյան ժամերին, 12–ի գիշերը, 14–ի ցերեկը, հունվարի 15–16–ից մարզերի մեծամասնությունում սպասվում են տեղումներ, առանձին շրջաններում քամու ուժգնացում մինչև 15-20 մետր վայրկյան արագությամբ։

Հունվարի 12–ի ցերեկը, 13–ին, 14–ի գիշերը սպասվում է առանց տեղումների եղանակ։ Քամին կլինի հարավ–արևմտյան` 3-8 մետր վայրկյան արագությամբ պոռթկումներով։


Հունվարի 12–ի գիշերն օդի ջերմաստիճանը կբարձրանա 3-4 աստիճանով, հունվարի 14–ին և 15–ին կնվազի 4-6 աստիճանով։

Երևանում հունվարի 11–ի երեկոյան ժամերին, 12–ի գիշերը, 14–ի, 15-6–ի գիշերը սպասվում են տեղումներ, գիշերային ժամերին` թաց ձյան տեսքով։ Հունվարի 12–ին, 13–ին և 14–ին սպասվում է առանց տեղումների եղանակ։ Օդի ջերմաստիճանը ցերեկային ժամերի 10-12 աստիճան տաքությունից գիշերը կնվազի մինչև 4-6 աստիճան տաքություն։ Գիշերը սպասվում է մինչև մինուս 2 աստիճան։ -0-