Kempinski–ն Երևանում հյուրանոց կառուցելու պայմանագիր կկնքի հայկական օլիգարխի հետ

ԵՐԵՎԱՆ, 15 նոյեմբերի. /Նովոստի–Արմենիա/. Օրերս Հայաստան կգա Kempinski հյուրանոցային ցանցի ներկայացուցիչը Գագիկ Ծառուկյանի հետ` «Մոսկվա» կինոթատրոնի հարևանությամբ հյուրանոցի պայմանագիր կնքելու համար, որի շինարարությունը շատ արագ տեմպերով է ընթանում, գրում է «Հրապարակը»` հղում անելով սեփական աղբյուրներին։

Ըստ թերթի, կառուցապատողները հույս ունեն, որ եկող տարի այս ժամանակ հյուրանոցը պատրաստ կլինի։

Հոդվածում նաև նշվում է, որ հյուրանոցի կառուցման համար նախատեսված է ներդնել 100 մլն դոլար։–0–