ԵՐԵՎԱՆ, 10 նոյեմբերի. /Նովոստի–Արմենիա/. Երևանում մեկնարկել է սահմանադրական բարեփոխումներից հետո Հայաստանի և Արցախի առաջին միջխորհրդանական հանձնաժողովի անդրանիկ նիստը։ Նիստի օրակարգում ներառված է երկու հարց` հետսահմանադրական գործընթացները Հայաստանում և Արցախում, ընդհանրությունները և առանձնահատկությունները, ինչպես նաև ղարաբաղա–ադրբեջանական հարցի քննարկումը միջազգային հարթակներում։
Ինչպես նիստի ժամանակ նշեց Ազգային Ժողովի նախագահ Արա Բաբլոյանը, բարեփոխումներն անհրաժեշտ էին կառավարման արդյունավետության և ժողովրդավարության մակարդակը բարձրացնելու համար։
«Հայաստանում և Արցախում անցկացված սահմանադրական հանրաքվեի արդյունքում այնպիսի զարգացման ուղի է ընտրվել, որը լավագույնս համապատասխանում է երկրի ներքին և արտաքին առանձնահատկություններին։ Մեր երկու պետությունների առկայությունը մեր ժողովուրդների հարստությունն է, և մենք պարտավոր ենք պաշտպանել ու զարգացնել այն համատեղ ջանքերով և գործունեությամբ, զարգացման և անվտանգության համակարգերի ամրանդմամբ ու զարգացմամբ», – ասել է Բաբլոյանը։
Նա վստահություն է հայտնել, որ այսօրվա հանդիպումը թույլ կտա ամրապնդել կապերը, համաձայնեցնել դիրքերը և ռազմավարությունները, շարունակել քննարկել բոլոր միջպետական հարցերը և կնպաստի երկկողմ հարաբերությունների ամրապնդմանը։
Загружается новость ...
"Право"
Արցախի Հանրապետության Ազգային Ժողովի նախագահ Աշոտ Ղուլյանն իր հերթին նշել է, որ վերջին երկու տարում չեն անցկացվել հանդիպումներ նման ձևաչափով, սակայն միայն ձևականորեն, ինչը պայմանավորված է հերթական ընտրություններով Հայաստանում և Արցախում։
«Վերջին երկու տարում մենք պարբերաբար հանդիպումներ ենք անցկացրել հայ խորհրդարանականների հետ, ինչն ապահովել է լիարժեք միջխորհրդարանական համագործակցություն։ Միայն ապրիլ–հուլիսին (ապրիլյան դեպքերից հետո) Արցախ այցելեցին Հայաստանի գրեթե բոլոր պատգամավորները, բոլոր խմբակցությունները, հաճախ օտարերկրյա խորհրդարանականների հետ», – նշել է Ղուլյանը։
Նա բարձր է գնահատել նման հանդիպումները` նշելով, որ հենց այդ հանդիպումների ընթացքում նախանշվում է այն հարցերի հիմնական սպեկտրը, որոնք հետագայում քննարկվում են միջխորհրդանական հանձնաժողովների նիստերի ընթացքում։ Նա ասել է նաև, որ այդ հարցերը, որպես կանոն, վերաբերում են ամենաարդիական թեմաների։
«Վստահ եմ, որ, չնայած տարբեր պետական համակարգերի ընտրությանը, այդ ոլորտում կա համատեղ խորհրդակցություններ անցկացնելու անհրաժեշտություն։ Մենք ոչ միայն հույս ենք փայփայում, այլև վստահ ենք, որ կա տեղեկատվության փոխանակման անհրաժեշտություն, և հանձնաժողովները կաշխատեն այդ ուղղությամբ», – ասել է Ղուլյանը։
Նա նշել է, որ միջխորհրդանական գործընկերությունը երկու հայկական պետությունների միջև վաղուց արդեն կայացել է և առանձնանում է իր արդյունավետությամբ։ Նա գոհունակություն է հայտնել նախորդ համագործակցությունից` ավելացնելով, որ այն ամենաարդյունավետը և պահանջված է եղել ոչ միայն օրենսդրական փորձի փոխանակման առումով, այլ նաև տարբեր պետությունների խորհրդարանների հետ կապի հաստատման, ինչպես նաև Արցախի խորհրդարանի դիրքորոշումը տարբեր բարձր մակարդակի միջազգային ամբիոններում ներկայացնելու համար։ –0–
