Հեռավար կրթություն արտակարգ դրության պայմաններում. ԿԳՄՍ նախարարը մանրամասնում է

ԵՐԵՎԱՆ, 18 մարտի./Նովոստի-Արմենիա/. ՀՀ ԿԳՄՍ նախարար Արայիկ Հարությունյանը չորեքշաբթի մամուլի ասուլիսի ժամանակ ներկայացրել է, թե ինչպես է կազմակերպվելու կրթությունը երկրի դպրոցներում և բուհերում, որտեղ ժամանակավորապես արձակուրդ է հայտարարվել կորոնավիրուսի պատճառով և անդրադարձել հեռավար ուսուցման առանձնահատկություններին:

Հայկական միասնական տեղեկատվական կենտրոնում անցկացված մամուլի ասուլիս ընթացքում Հարությունյանն անդրադարձել է, մասնավորապես, հեռավար ուսուցման հարցերին, ուսումնական տարվա երկարացմանը, լրացուցիչ դասերին և այլ հարցերի: 

ՀՀ-ում մարտի 16-ից ապրիլի 14-ը հայտարարված արտակարգ դրության ռեժիմով պայմանավորված  բոլոր դպրոցները, տեխնիկումները, բուհերը, մշակութային, սպրոտային հաստատությունները դադարեցրել են գործունեությունը: Արտակարգ դրության ժամանակահատվածում նույնպես դադարեցվել է նաև միջազգային կրթական հաստատությունների գործունեությունը, բացառությամբ այն հաստատությունների, որոնք ունեն հեռավա կրթության հնարավորություն:

Հեռավար ուսուցում  

 Առաջին հերթին Հարությունյանը նշել է, որ որոշ կրթական հաստատություններ ինքնուրույն են անցել հեռավար ուսուցման՝ սկսելով փնտրել նման ձևաչափի համար անհրաժեշտ հարթակներ: 

«Եթե, հատկապես արտակարգ դրության պայմաններում, օգտագործվեն բոլոր հնարավոր գործիքները, դա արդյունք կտա և կապահովի կրթական պրոցեսի պարբերականությունը: Բուհերը տարբեր տեխնիկական միջոցներով արդեն սկսել են իրականացնել հեռավար կրթություն: Այսինքն բուհերի առումով, ըստ էության, խնդիր չենք ունենա»,- պատմել է նա:  

Նախարարը հայտնել է, որ մոտակա օրերին բուհերում կանցկացվի ընթացող պրոցեսների մոնիտորինգ և գնահատական: 

Հատուկ պորտալ 

 Նրա խոսքով, Հայաստանում հեռավար ուսուցման պրակտիկան դառնալու է պիլոտ` պիլոտային ծրագիր:

 «Մենք ստեղծել ենք Կրթական տեխնոլոգիաների ազգային կենտրոնի կայքում heravar.armedu.am պորտալը, որտեղ նման ծրագրեր իրականացնող կրթական հարթակների մասին ինֆորմացիա է հավաքված»,- նշեց նա: 

 Նախարարը կոչ արեց ուսուցիչներին, տնօրեններին, ծնողներին և երեխաներին ջանքեր գործադրել, որպեսզի այս պիլոտի իրականացման հարցում ունենանք հաջողություն: Նրա խոսքով, սա մի նոր մակարդակի է բարձրացնելու մեր ուսումնական գործընթացները:

Հարությունը նշեց, որ շուտով կացնկացվի ուսումնական հաստատությունների մոնիտորինգ՝ հասկանալու համար, թե ինչպես է գործում հեռավար կրթության համակարգը, որքանով է այն արդյունավետ և ինչ խնդիրներ են ծագում այն իրագործելու ճանապարհին: 

Դասեր TV-ով և YouTube-ով

 Հարությանը հայտնեց, որ Հանրային Հեռուստաընկերության եթերում հեռարձակվելու են դասախոսություններ և դասեր՝ ամեն առավոտ 8:30-9:30 և կվերսկվեն 11:30-ից մինչև 12.40, բացի այդ Ucom-ն առանձին ալիք է տրամադրելու նման դասերի համար, որը 24 ժամվա ընթացքում նման դասեր կհեռարձակի:  

«Մենք կգործարկենք նաև առանձին YouTube-յան ալիք, որտեղ հավաքվելու են բոլոր այս նյութերը: Եվ այդ YouTube-յան ալիքների այցելությունների թրաֆիկը Ucom ընկերության հաճախորդների համար լինելու է անվճար »,- նշել է նախարարը: 

Տեխնիկական հնարավորությունները և կրթական հաստատությունների ախտահանումը

Պատասխանելով դպրոցների և այլ կրթական հաստատությունների տեխնիկական հագեցվածության մասին հարցին՝ Հարությունյանը նշեց, որ դասընթացները չեն անցկացվելու դպրոցներում, ուսուցիչները դրանք վարելու են նաև տանից: 

Նրա խոսքով,  հեռավար ուսուցման պիլոտային ռեժիմի ներդնումը կօգնի բացահայտել համակարգում առկա խնդիրները:

Նախարարը նույնպես հայտնել է, որ կանցկացվի կրթական հաստատությունների ախտահանում, որպեսզի դրանք պատրաստ լինեն բնականոն կրթական պրոցեսի շարունակմանը արտակարգ դրության ռեժիմի ավարտից հետո;

Արդյոք կերկարացվի՞ ուսումնական տարին

Նախարարը նույնպես մեկնաբանել է ուսումնական տարվա երկրարացման հավանականությունը, բացթողումների լրացման համար լրացուցիչ դասերի ավելացումն ու ավարտական քննությունների ժամկետների փոփոխությունը:

Այս կապակցությամբ Հարությունյանը հայտնել է, որ որոշումը կընդունվի հեռավար ուսուցման իրականացումից մեկ ամիս անց՝ տնօրենների և ուսուցիչների փոխանցած տեղեկությունների հիման վրա: Դա, ինչպես նշում է Հարությանը, կախված կլինի  հեռավար ուսուցման ծավալից, որոնք ուսուցիչներն ու դասախոսները կիրականացնեն հեռավար ուսուցման համակարգի միջոցով: