ԵՐԵՎԱՆ, 2 մայիսի. /Նովոստի–Արմենիա/. Հայաստանում պայմանական վաղաժամկետ ազատման ընթացակարգը կարգավորող նոր օրինագիծն ուժի մեջ կմտնի 2017 թվականի ամռանը, երեքշաբթի լրագրողներին հայտնեց Հայաստանի արդարադատության նախարարի տեղակալ Սուրեն Քրմոյանը։
«Հայաստանի կառավարոթյան ծրագրի համաձայն, պայմանական վաղաժամկետ ազատման համակարգի բարեփոխումները նախատեսվում է ավարտել 6 ամսվա ընթացքում։ Նոր օրինագիծն ընդունվել և վավերացվել է Հայաստանի նախագահի կողմից մարտի 21–ին, և հունիսի սկզբից մենք կունենանք պայմանական վաղաժամ ազատման նոր համակարգ»,– ասաց Քրմոյանը։
Նրա խոսքով, պարզեցվել է պայմանական վաղաժամկետ ազատման ինստիտուցիոնալ համակարգը` նոր օրինագծի համաձայն, գործը դիտարկելու է անկախ հանձնաժողովը, որից հետո դատարանը պետք է որոշում կայացնի։
«Հաջորդ խնդիրը, որը մենք դրել ենք մեր առջև, օբյեկտիվ պարամետրերի մշակումն է, որոնց առակյության դեպքում սահմանվում են խաղի հստակ կանոններ, և դատապարտյալի համար հասկանալի է դառնում, թե ինչ վարքի դեպքում նա կարող է պայմանականորեն վաղաժամկետ ազատվել։ Այժմ այս պարամետրերը սահմանված են օրենքով»,– ասաց Քրմոյանը։
Նա միաժամանակ ավելացրեց, որ ձևավորվել են ինչպես դատապարտյալի վարքի պարամետրերը, այնպես էլ այն չափանիշները, որոնք դատարանին վստահություն են հաղորդում, որ հանցագործության կրկնման ռիսկը ցածր է։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
