Հայտնի է Հայաստանի նորընտիր խորհրդարանի առաջին նիստի ամսաթիվը

ԵՐԵՎԱՆ, 3 մայիսի. /Նովոստի–Արմենիա/. Կենտրոնական ընտրական հանձնաժողովի նախագահը Տիգրան Մուկուչյանը չորեքշաբթի հանձնաժողովի նիստում հրապարակել է վեցերորդ գումարման նորընտիր Ազգային ժողովի առաջին նիստի անցկացման օրը։

«Հայաստանի նորընտիր խորհրդարանի առաջին նիստը կանցկացվի մայիսի 18–ին ժամը 10։00–ին»,– ասաց Մուկուչյանը։

Հայաստանի հանրապետական կուսակցությունն ապրիլի 2-ի խորհրդարանական ընտրությունների արդյունքներով, ապահովել է նոր ԱԺ-ում կայուն մեծամասնություն` ստանալով 58 մանդատ կամ տեղերի ընդհանուր քանակի 55,2 տոկոսը, այդ թվում, ազգային փոքրամասնությունների` եզդիների, ասորիների և քրդերի երեք մանդատները, «Ծառուկյան» դաշինքը` 31 (այդ թվում ռուս համայնքի մանդատը), «Ելք» դաշինքը` 9, «Դաշնակցությունը»` 7 մանդատ:

«Առաջին նիստում կընտրվի խորհրդարանի նախագահը և նրա երեք տեղակալները»,– ասաց Մուկուչյանը։