Հայաստանը կդիմավորի ապրիլը հերթական ջերմացմամբ

ԵՐԵՎԱՆ, 28 մարտի. /Նովոստի Արմենիա/. Հայհիդրոմետկենտրոնը ներկայացրել է առաջիկա մի քանի օրերի եղանակի կանխատեսումը։

Այսպես, մարտի 29-31–ը հանրապետության ողջ տարածքում պարբերաբար անձրևներ ու ամպրոպներ են սպասվում, առանձին շրջաններում` ուժեղ անձրևներ։ Իսկ ապրիլի 1-2–ը կանխատեսվում է առանց տեղումների եղանակ։

Քամին կլինի հարավ–արևելյան` 5-10 մետր վայրկյան արագությամբ, որոշ մարզերում հնարավոր է քամու ուժգնացում մինչև 15-20 մետր վայրկյան։

Օդի ջերմաստիճանը մարտի 29–ի լույս գիշեր կբարձրանա 4-5 աստիճանով, մարտի 30–ին և 31–ին կնվազի 3-5 աստիճանով, իսկ ապրիլի 1-2–ին` նույքան կբարձրանա։

Երևանում մարտի վերջին օրերին սնդիկի սյունը ցերեկային ժամերին կմնա 20-22 աստիճանի սահմաններում, իսկ ապրիլի առաջին օրերին կտաքանա մինչև 24-26 աստիճան։ -0-