Հայաստանում ոսկե աշուն է սկսվում. ջերմաստիճանը կբարձրանա

ԵՐԵՎԱՆ, 3 հոկտեմբերի. /Նովոստի Արմենիա/. Հոկտեմբերի 3–4–ը հանրապետության բոլոր շրջաններում ժամանակ առ ժամանակ սպասվում է անձրև։

Հայհիդրոմետկենտրոնի հաղորդմամբ, հոկտեմբերի 5–ից 7–ը տեղումներ չեն սպասվում։ Քամին կլինի արևմտյան՝ 3-8 մ/վ արագությամբ։ Օդի ջերմաստիճանը հոկտեմբերի 3–4–ը կնվազի 4–5 աստիճանով, իսկ 5–ից 7–ը կբարձրանա նույնքանով։


Երևանում հոկտեմբերի 3–4–ից ժամանակ առ ժամանակ սպասվում է անձրև, իսկ 5–7–ը տեղումներ չեն դիտվելու։ Ցերեկը առավելագույն ջերմաստիճանը կհասնի 18–22, իսկ գիշերները` 8–12 աստիճան։

ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանն իր հերթին լավ լուր է հայտնում։ Նա Facebook-ի իր էջում գրել է, որ հոկտեմբերի 6-ից սկսվում է Հայաստանի ոսկե աշունն իր տաք և արևառատ օրերով։ –0–