ԵՐԵՎԱՆ, 2 դեկտեմբերի. /Նովոստի–Արմենիա/. Ամենօրյա մոնիթորինգի արդյունքները վկայում են այն մասին, որ Հայաստանում ՍՇՎՎ դեպքերի աճի միտումներ չեն գրանցվել, հայտնում է հանրապետության առողջապահության նախարարությունը։
Կանխարգելիչ ֆիլտրման արդյունքում դիտվում է երեխաների շրջանում ՍՇՎՎ բացահայտման դեպքերի նվացման միտում, կրճատվել են նաև այդ կապակցությամբ բացակայությունները կրթական հաստատություններում։
Դիտվում է նաև թոքաբորբով հոսպիտալացման թվի անկում, և այսօրվա դրությամբ, ծայրահեղ ծանր վիճակում հիվանդների հոսպիտալացման դեպքեր չեն գրանցվել։
Հանրապետությունում նոյեմբերից անցկացվում են լաբորատոր հետազոտություններ, որոնց տվյալներով, երկրում հիմնականում տարածված է А գրիպի H3 տեսակը, որն արձանագրվել է նաև եվրոպական մի շարք երկրներում, ինչպես նաև Վրաստանում, Ռուսաստանում և Ուկրաինայում։
Առողջապահության նախարարությունը հիշեցնում է, որ գրիպի և դրա բարդացումների կանխարգելման համար պետք է խուսափել հիվանդության ախտանիշներ ունեցող մարդկանց հետ, մնալ տանը հիվանդանալու դեպքում, ախտանիշների առկայության դեպքում դիմել բժշկի և չզբաղվել ինքնաբուժությամբ, չօգտագործել հակաբիոտիկներ, քանի որ դրանք ցուցված չեն գրիպի բուժման համար։
Հարկ է նաև հագնվել ըստ եղանակի, ավելի շատ հեղուկ օգտագործել, հաճախ օդափոխել փակ տարածությունները և հետևել անձնական հիգիենայի կանոններին։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
