Հայաստանի բնակիչները մայիսին կկարողանան տեսնել ամենավառ «աստղաթափը»

ԵՐԵՎԱՆ, 2 մայիսի. /Նովոստի-Արմենիա/. Հայաստանի բնակիչները հնարավորություն կունենան մայիսին ականատես լինել վառ «աստղային անձրևի», «Նովոստի-Արմենիա» գործակալությանն ասաց Բյուրականի աստղադիտարանի տնօրեն Հայկ Հարությունյանը:

«Աստղային անձրևը» կամ Մայիսյան Ակվարիդները սկսվել է ապրիլի 19-ից, սակայն առավել վառ այն կլինի մասիսի 5-ի լույս գիշերը: Այն ամբողջ գիշերվա ընթացքում անզեն աչքով տեսանելի կլինի Հայաստանի ողջ տարածաշրջանում», - ասաց նա:

Ընդ որում, Հարությունյանը նշեց, որ «աստղային անձրևը» իրականում գիսաստղերի աստիճանաբար քայքայումից առաջացած տիեզերական փոքրագույն մասնիկների լուսարձակման և բռնկման հետևանք է:

«Նրանք կշռում են մեկ գրամից ոչ ավելի և շարժվում են հսկայական արագությամբ, իսկ Երկրի մթնոլորտ ներթափանցելով` այրվում են», - ասաց Հարությունյանը:

Սովորաբար «աստղային անձրևը» կարելի է տեսնել տարին երկու անգամ` օգոստոսին և նոյեմբերին. հենց այս ամիսներին է երկրագունդը անցնում գիսաստղի գեսի միջով: -0-