Հայաստանի բնակչությունը շարունակում է կրճատվել

ԵՐԵՎԱՆ, 29 ապրիլի. /Նովոստի-Արմենիա/. Հայաստանի մշտական բնակչության թվաքանակը 2016 թվականի ապրիլի 1-ի դրությամբ կազմել է 2 994,4 հազար։ Այդ մասին հաղորդում է ՀՀ Ազգային վիճակագրական ծառայությունը` 2011 թվականի մարդահամարի հիման վրա բնակչության ընթացիկ հաշվառման տվյալներով։

ՀՀ մշտական բնակչության թվաքանակը 2016թ. ապրիլի 1-ի դրությամբ 2015թ. նույն ժամանակաշրջանի համեմատ նվազել է 12.3 հազար մարդով կամ 0.4% -ով: Ընդ որում, տարեսկզբի համեմատ բնակչության թվաքանակը նվազել է 4.2 հազ. մարդով, ինչը պայմանավորված է եղել բացասական միգրացիոն սալդոյի գերազանցմամբ, որը կազմում է 5.7 հազար մարդ, բնակչության բնական հավելաճի նկատմամբ`1.5 հազար մարդ։

ԱՎԾ-ի տվյալներով, ապրիլի 1-ի դրությամբ, Հայաստանի քաղաքային բնակչության թվաքանակը 2015թ.-ի նույն ժամանակաշրջանի համեմատ նվազել է 6,4 հազարով` մինչև 1 904.7 հազ. մարդ, ընդ որում, բնակչությունը Երևանում աճել է 1,9 հազարով։ Գյուղական բնակչության թվաքանակը նվազել է 5,9 հազարով` մինչև 1 089.7 հազ. մարդ:

Հարկ է նշել, որ 2016թ. ապրիլի 1-ի դրությամբ Հայաստանի բնակչության թվաքանակը 70-ական թվականներից ի վեր առաջին անգամ կազմել է պակաս, քան 3 մլն մարդ։

ԱՎԾ-ի տվյալների համաձայն, 2016թ. հունվար-մարտին հանրապետությունում ծնված երեխաների թիվը 2015 թվականի նույն ժամանակաշրջանի համեմատ նվազել են 2.4%-ով` կազմելով 9 171: Ընդ որում, մահվան դեպքերը հաշվետու ժամանակահատվածում նվազել են 1.4 %-ով` կազմելով 7 647: -0-