Հայաստանի վարչապետի ընտրությունները կկայանան ՀՀ խորհրդարանի շենքում. Ռուստամյան

ԵՐԵՎԱՆ, 16 ապրիլի. /Նովոստի–Արմենիա/. Հայաստանի վարչապետի ընտրությունները կկայանան Ազգային ժողովի շենքում։ Այդ մասին երկուշաբթի խորհրդարանական ճեպազրույցներում հայտնեց Դաշնակցություն խմբակցության ղեկավար Արմեն Ռուստամյանը` մեկնաբանելով ԱԺ նիստի վայրի փոփոխության լուրերը հանրահավաքների պատճառով։


«ԱԺ շենքից դուրս հատուկ նիստերի անցկացման մասին որոշումներն ընդունվում են նախապես, և այս պահին ես տեղեկություն չունեմ, թե նման որոշումների նախագիծ պատրաստվել է։ Ելնելով դրանից` կարող եմ ասել, որ ԱԺ նիստը, որի ժամանակ կընտրվի վարչապետը, կանցկացվի Ազգային ժողովի շենքում»,– ասաց Ռուստամյանը։

Նա միաժամանակ հայտարարեց, որ եթե ցուցարարները փորձեն խոչընդոտել խորհրդարանականների մուտքին ԱԺ շենք, ապա նա կարծում է, որ նման պայմաններում ոստիկանությունը կկարողանա ապահովել հասարակական կարգ, որ բոլոր պատգամավորները կարողանան մտնել խորհրդարան։


«Նշեմ, որ ընդդիմության ուժն այն է, որ այն միշտ գործում է օրենքի սահմաններում։ Իսկ այժմ ընդդիմությունը, փակելով փողոցները, վերցնելով Հանրային ռադիոյի շենքը, ներխուժելով ԵՊՀ և կոտրելով դռները, դուրս է գալիս օրենքի շրջանակներից։ Իսկ դա վաղ թե ուշ կհանգեցնի նրան, որ իշխանությունը կօգտվի իր բոլոր ռեսուրսները` հանրային կարգը վերականգնելու համար»,– հայտարարեց Ռուստամյանը։

Ապրիլի 13–ի երեկոյան Փաշինյանը բողոքի շուրջօրյա ակցիա է սկսում Սերժ Սարգսյանի վարչապետության դեմ։ Ակցիայի մասնակիցները փակել են Ֆրանսիայի հրապարակի շուրջ երթևեկությունը, որը կաթվածահար է արդեն երեք օր։ Երկուշաբթի առավոտից Երևանում կաթվածահար է երթևեկությունը գրեթե ողջ մեծ կենտրոնում։ Մետրոյի գնացքները կանգառներ չեն անում «Մարշալ Բաղրամյան» կայարանում։ Կառավարության շենքերի մոտ հերթապահում են ոստիկանության ջոկատներ։ -0-