ԵՐԵՎԱՆ, 5 փետրվարի. /Նովոստի–Արմենիա/. Կրքեր են թեժանում Հայաստանի խորհրդարանում` երկու պատգամավորներ իրավունքներ են «ճոճում», աշխատակազմի ղեկավարը պատրաստ է հրաժարական տալ, գրում է «168 ժամ» թերթը։
Թերթի աղբյուրների համաձայն, խորհրդարանում դե ֆակտո աշխատակազմի ղեկավարի գործառույթներն իրականացնում են «Իմ քայլը» դաշինքի պատգամավոր Աննա Կարապետյանը և Արարատ Միրզոյանի նախկին խորհրդական Քրիստինե Գրիգորյանը։
«Տվյալ փաստն ԱԺ աշխատակազմի աշխատակիցների դժգոհությունն է հարուցել, որովհետև, ըստ էության, երկու կանայք էլ նախկինում աշխատել են ԱԺ–ում և հիմա իրենց պատկերացումներով ու սեփական նախասիրություններով են առաջնորդվում` ում հեռացնել աշխատանքից և ում` թողնել»,– գրում է թերթը։
Պարբերականի տվյալներով, մինչև «թավշյա» հեղափոխությունն Աննա Կարապետյանն արդեն երկու տարի եղել է ԱԺ ՀՀԿ–ական պատգամավոր Հովհաննես Սահակյանի օգնականը։ Միաժամանակ, պարբերականը նշում է, որ Կարապետյանն ավարտել է կոնսերվատորիան, ինչպես նաև կոոպերատիվ բուհերից մեկի իրավաբանական ֆակուլտետը։
Загружается новость ...
"Право"
Քրիստինե Գրիգորյանը, պարբերականի տվյալներով, եղել է նախկին խոսնակ Հովիկ Աբրահամյանի խորհրդականը, ինչից հետո` պետաիրավական հարցերի մշտական հանձնաժողովի նախագահ Դավիթ Հարությունյանի օգնականը, այնուհետև աշխատանքի է անցել Արդարադատության նախարարությունում։
Աղբյուրի համաձայն, խորհրդարանի աշխատակազմի ղեկավար Տիգրան Գալստյանն արդեն դժգոհություն է հայտնել, որ եթե Աննա Կարապետյանը շարունակի իրեն այդկերպ պահել և իրավունքներ ճոճել, ապա ինքը կազատվի։ -0-