ԵՐԵՎԱՆ, 13 փետրվարի. /Նովոստի–Արմենիա/. Փետրվարի 9-ին Հանրապետություն ներթափանցած ցիկլոնի ուժը պահպանվելու է նաև առաջիկա 3 օրերին,
armtimes.com–ի հետ զրույցում ասել է ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանը:
Սուրենյանի խոսքով, ցիկլոնով պայմանավորված Հայաստանի տարածքում մինչև փետրվարի 15-ը տեղումները որոշակի դադարներով կշարունակվեն:
Օդերևութաբանը հայտնել է, որ փետրվարի 16-ի ցերեկը տեղումներ չեն լինի, 16-ի երեկոյան ժամերին և գիշերը հանրապետությունում թույլ ձյուն է սպասվում: Իսկ այնուհետև հյուսիս-արեւմուտքից անտիցիկլոն է ներթափանցելու դեպի մեր Հայաստան։
Ըստ նրա, փետրվարի 17-ի ցերեկվանից սկսած եղանակը կպարզի, ու տեղումներն ամենուրեք կդադարեն: Արդեն ամսի 18-ին հանրապետության ողջ տարածքում առանց տեղումների եղանակ կլինի»,- մանրամասնել է օդերևութաբանը։
Սուրենյանը միաժամանակ նշել է, որ սպասվում է ջերմաստիճանի նվազում 8-10 աստիճանով: «Օդի ջերմաստիճանը մինչև 17-ն անփոփոխ կմնա: Արարատյան դաշտում գիշերը կլինի -8-10, ցերեկը՝ -2-4, իսկ 17-ի լույս 18-ի գիշերը հանրապետության ողջ տարածքում օդի ջերմաստիճանը 8-10 աստիճանով կնվազի: Եվ սրա պատճառը ոչ միայն եղանակի պարզումն է, այլև արկտիկական ցուրտ օդային հոսանքների ներթափանցումը, անտիցիկլոնի առկայությունը»,- հավելել է «Հիդրոմետ» ծառայության օդերևութաբանության կենտրոնի պետը:
Ինչ վերաբերում է մայրաքաղաքին, ախա Երևանի ցածրադիր հատվածներում 17-ի լույս 18-ի գիշերը նախնական կանխատեսումներով կլինի մինչև -18 աստիճան, բարձրադիր հատվածներում՝ -14-15:
Կայքի հարցին, թե որ Տրնդեզից հետո եղանակը, արդյո՞ք, դեռ չի տաքանա, Սուրենյանն ասել է, որ գարնան մասին խոսք լինել չի կարող, գոնե առաջիկա 10 օրերին գարնան որևէ շունչ մի սպասել պետք չէ։
Իսկ Աշոցքում գրանցված -34 աստիճանը հունվարից հետո ամենացածրն է: Դեկտեմբերին էր եղել նման ցածր ջերմաստիճան: «Ընդհանրապես, Աշոցքը շատ առանձնահատուկ կլիմայական պայմաններ ունի: Այդ ջերմաստիճանը չի տարածվում մյուս մարզերի վրա»,– ասել է օդերևութաբանը։ -0-