Երկարատև անձրևներ են տեղալու Երևանում

ԵՐԵՎԱՆ, 3 մարտի. /Նովոստի-Արմենիա/. Մարտի 3-ի երեկոյից և մինչև մարտի 7-ը Երևանում անձրևներ են սպասվում:

Հայհիդրոմետկենտրոնի հաղորդմամբ, մարտի 3-ի երեկոյան ժամերին, 4-ին` առանձին վայրերում հնարավոր է անձրև, 5-6-ին և 7-ին նույնպես ժամանակ առ ժամանակ անձրև է տեղալու: Մարտի 7-ի ցերեկը և մարտի 8-ին սպասվում է առանց տեղումների եղանակ: Մարտի 4-ից 6-ը սպասվում է քամու ուժգնացում մինչև 12-17 մետր վայրկյան:

Նշված օրերին տեղումներ են սպասվում նաև հանրապետության ողջ տարածքում, ընդ որում` Շիրակի, Կոտայքի, Գեղարքունիքի և Վայոց Ձորի մարզերում` ձնախառն անձրև:

Միաժամանակ օդի ջերմաստիճանը մարտի 4-ից 8-ն աստիճանաբար կբարձրանա 5-6 աստիճանով: Այսպես, Երևանում առաջիկա օրերին օդը կտաքանա մինչև 15-17 աստիճան, գիշերը` 3-5: -0-