Ե՞րբ միջազգային ավիաընկերությունները կվերականգնեն կանոնավոր չվերթերը դեպի Հայաստան. Փաշինյանը մանրամասնել է (ՎԻԴԵՈ)
15:28
10 Սեպտեմբերի 2020
ԵՐԵՎԱՆ, 10 սեպտեմբերի./Նովոստի-Արմենիա/. ՀՀ վարչապետ Նիկոլ Փաշինյանն այսօր՝ սեպտեմբերի 10-ին, կառավարության նիստում հայտարարել է, որ արդեն սեպտեմբերին մեկ-երկու տասնյակ ավիաընկերություններ կվերսկսեն կանոնավոր ավիաչվերթները դեպի Հայաստան:
«Մենք պլանավորում ենք, որ սեպտեմբերի կեսերից, որքան հասկացա Քաղավիացիայի կոմիտեն հայտեր է հավաքում, որպեսզի հասկանանք, թե որ ավիաընկերություններն են, որ պատրաստվում են վերականգնել ավիաչվերթները դեպի Հայաստան»,- նշել է Փաշինյանը:
Նա հայտնել է, որ նաև փոփոծություններ են եղել կարանտինային ռեժիմում:
«Մենք փոփոխություններ են իրականացրել կարանտինային ռեժիմի հետ կապված: Արտեկրից ժամանած այն քաղաքացիները, ովքեր չեն ուզում կարանտինում մնալ 14 օր, կարող են հենց տեղում հանձնել կորոնավիրուսի թեստ, և մեկ օրվա ընթացքում պատասխանները կլինեն, և եթե բացասական է պատասխանը, ապա նրանք կարող են կարանտին չանցնել»,- նշել է վարչապետը:
Փոխվարչապետ Տիգրան Ավինյանն իր հերթին նշել է, որ այս պահի դրությամբ Հայաստանը այլ երկրների քաղաքացիների համար որևէ մուտքի արգելք չի սահմանել օդային սահմաններով:
«Օդանավակայաններում այս պահին կառուցվում են նմուշառման մոտ 20 կետեր և այն քաղաքացիները, որոնք կցանկանան տեղում նմուշառում իրականացնել, ունենալու են այդ հնարավորությունը»,- հայտնել է նա:-0-
Մարտի 30-ից ՎՏԲ-Հայաստան Բանկի «Мир» քարտապանների համար կգործեն սահմանափակումներ՝ POS տերմինալներով անկանխիկ վճարումներ կատարելիս և ՀՀ այլ բանկերի բանկոմատներից միջոցներ կանխիկացնելիս
Փաշինյանն ասել է, որ որոշել են գնալ այս հատվածներում Հայաստանի սահմանի ճշգրտման ու դա անում են ոչ միայն հանուն Հայաստանի, այլև կոնկրետ Ոսկեպար գյուղի, Կիրանց գյուղի համար