Եղանակը Հայաստանում կսկսի բարելավվել հանգստյան օրերին. օդերևութաբաններ

ԵՐԵՎԱՆ, 8 հունիսի. /Նովոստի–Արմենիա/. Հայհիդրոմետկենտրոնը եղանակի աստիճանական բարելավում է կանխատեսում Հայաստանում։

Կարճատև անձրևներ և ամպրոպներ են սպասվում հանրապետության ողջ տարածքում հունիսի 8-9–ը, հունիսի 10–ին և 12–ին տեղումներ են կանխատեսվում մարզերի մեծամասնությունում և Երևանում կեսօրից հետո և գիշերվա առաջին կեսին, իսկ հունիսի 11–ին` միայն հյուսիսային շրջաններում։ Առանձին վայրերում հնարավոր է կարկուտ։

Քամին կլինի հարավ–արևմտյան 2-7 մետր վայրկյան արագությամբ, ամպրոպի ժամանակ հնարավոր է քամու ուժգնացում մինչ 20-25 մետր վայրկյան։

Օդի ջերմաստիճանը հունիսի 8–ին հանրապետությունում կնվազի 4-5 աստիճանով, իսկ հունիսի 9–ին աստիճանաբար կբարձրանա 2-4 աստիճանով։

Երևանում չորեքշաբթի ցերեկը օդը կտաքանա մինչև 24-26 աստիճան, իսկ հաջորդ չորս օրերին աստիճանաբար կտաքանա մինչև 28-30 աստիճան։
-0-