Եղանակը Հայաստանում առայժմ չի ուրախացնի բնակիչներին

ԵՐԵՎԱՆ, 3 հունիսի. /Նովոստի–Արմենիա/. Անձրևներ և ամպրոպներ են սպասվում Հայաստանի առանձին շրջաններում հունիսի 3–ին, իսկ հունիսի 4-7–ի կեսօրից հետո և գիշերվա առաջին կեսին Հայաստանի մի շարք մարզերում, առանձին վայրերում հնարավոր է կարկուտ, հայտնում է Հայհիդրոմետկենտրոնը։

Երևանում հունիսի 3-7–ը ցերեկային ժամերին կարճատև անձրևների հավանականություն կա։

Քամին կլինի հարավ–արևմտյան` 2-7 մետր վայրկյան արագությամբ, ամպրոպի ժամանակ հնարավոր է քամու ուժգնացում մինչև 20-25 մետր վայրկյան։

Օդի ջերմաստիճանը հանրապետությունում էապես չի փոխվի։

Մայրաքաղաքում առաջիկա հինգ օրերին օդը ցերեկային ժամերին կտաքանա մինչև 27-29 աստիճան։ -0-