Դռները բացեք՝ գարուն է գալիս

ԵՐԵՎԱՆ, 18 ապրիլի. /Նովոստի-Արմենիա/. Օդերևութաբանները Հայաստանում օդի ջերմաստիճանի բարձրացում են կանխատեսում:

Ինչպես հայտնում է Հայհիդրոմետկենտրոնը, ամենից տաք կլինի ապրիլի 21-22-ին Սյունիքի մարզում, որտեղ ցերեկային ժամերին օդը կտաքանա մինչև 24-26 աստիճան տաքություն:

Ջերմ եղանակ է սպասվում, այդ թվում, Տավուշի, Արարատի և Արմավիրի մարզերում, ինչպես նաև Վայոց Ձորի նախալեռներում և Երևանում: Այստեղ մինչև շաբաթվա ավարտը սպասվում է 22-24 աստիճան տաքություն:

Միաժամանակ ապրիլի 18-ի և ապրիլի 21-ի գիշերը սպասվում է առավելապես չոր եղանակ, իսկ 18-ին, 20-ին և 22-ին հյուսիսային շրջաններում, իսկ ապրիլի 19-ին՝ բոլոր մարզերում և Երևանում կանխատեսվում են աձրևներ և ամպրոպներ, առանձին շրջաններում հնարավոր է կարկուտ:

Քամին կլինի հարավ-արևմտյան՝ 3-8 մետր վայրկյան արագությամբ, ամպրոպի ժամանակ հնարավոր է քամու ուժգնացում մինչև 18-23 մետր վայրկյան: -0-