ԲՀԿ-ի պատգամավորը կհովանավորի «Հայ ազգային կոնգրեսին»

ԵՐԵՎԱՆ, 7 փետրվարի. /Նովոստի-Արմենիա/. «ՀԱԿ» ընդդիմադիր կուսակցությունը հովանավոր է գտել, ով կհոգա բոլոր նախընտրական ծախսերը, գրում է «Ժամանակ» թերթը:

Պարբերականի տվյալներով, այդ հովանավորն է «Բարգավաճ Հայաստան» խմբակցության պատգամավոր, գործարար Գուրգեն Արսենյանը, ով առաջիկա խորհրդարանական ընտրություններին առաջադրվելու է ՀԱԿ-ի ցուցակով: «Թե ցուցակի որ հորիզոնականը նա կզբաղեցնի, դեռ պարզ չէ։ Մի բան սակայն հստակ է, որ Արսենյանն անցողիկ տեղում է լինելու», - նշվում է հաղորդագրության մեջ: -0-