ԵՐԵՎԱՆ, 4 հոկտեմբերի. /Նովոստի-Արմենիա/. Բաքվի Հեյդար Ալիևի անվան օդանավակայանից մեկնած օդանավ է վայրէջք կատարել «Զվարթնոց» օդանավակայանում, Twitter-ի իր էջում գրել է Հայաստանի ԱԳՆ մամուլի քարտուղար Տիգրան Բալայանը:
«Վայրէջք կատարած ինքնաթիռը հատուկ չվերթ իրականացնող բելգիական ինքնաթիռ է, որով Հայաստան է ժամանել ԵՄ բարձրաստիճան պատվիրակություն»,- «Նովոստի-Արմենիա» գործակալությանը հայտնեց Քաղաքացիական ավիացիայի գլխավոր վարչության մամուլի քարտուղար Սաթենիկ Հովհաննիսյանը:
Նա հայտնեց, որ այլ մանրամասներ հաղորդել չի կարող:
«BAF 632» չարտերային չվերթը Երևանի օդանավակայան է ժամանել տեղական ժամանակով ժամը 18:45-ին: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում