ԵՐԵՎԱՆ, 3 հուլիսի. /Նովոստի-Արմենիա/. Հունիսի 30–ին առավոտյան Արարատի մարզի 30-ամյա բնակչուհին տանից դուրս է եկել՝ աշխատանքի գնալու նպատակով և չի վերադարձել:
Հաջորդ օրը կինը ներկայացել է և հայտնել, որ իրեն առևանգել էր նախկին ամուսինը` հաշտվելու նպատակով։ Նա, ըստ կնոջ հաղորդման, 2 ընկերների հետ և BMW մակնիշի ավտոմեքենայով տարել են իրեն դեպի Այնթապ գյուղի գերեզմանատուն, որից հետո ընկերները հեռացել են։ Կինը մերժել է հաշտվելու առաջարկը, ինչից հետո նախկին ամուսինը գցել է կնոջն ավտոմեքենայի բեռնախցիկի մեջ, տեղափոխել տարբեր վայրեր և պարբերաբար բռնություն գործադրել։
Սպառնալիքներից վախենալով՝ կինը համաձայնել է հաշտվել և միանալ նախկին ամուսնու հետ, սակայն հաջորդ օրը՝ հուլիսի 1-ին, առիթ գտնելով՝ դիմել է փախուստի։
Դեպքի առթիվ հարուցվել է քրեական գործ՝ ՀՀ քրեական օրենսգրքի 131-րդ հոդվածի 1-ին մասի (Խաբեության, վստահությունը չարաշահելու, բռնության կամ բռնություն գործադրելու սպառնալիքի միջոցով մարդուն գաղտնի կամ բացահայտ առևանգելը) հատկանիշներով, որով նախաքննությունը կատարվում է ՀՀ ՔԿ Արարատի մարզային քննչական վարչության Մասիսի քննչական բաժնում:
Загружается новость ... "Лево"
Քրեական գործով ձերբակալվել է Արարատի մարզի բնակիչը՝ նախկին կնոջն առևանգելու կասկածանքով։
Քրեական գործով կինը ճանաչվել է տուժող։ Նախկին ամուսինը հայտնաբերվել է， ձերբակալվել և հարցաքննվել դեպքի շուրջ։ Կատարվել է նաև առերես հարցաքննություն:
Քրեական գործով էական նշանակություն ունեցող մի շարք հանգամանքներ պարզելու նպատակով նշանակվել է դատաբժշկական փորձաքննություն։ -0-
