ԵՐԵՎԱՆ, 30 հոկտեմբերի./Նովոստի–Արմենիա/. Ամերիաբանկի և Amazon Web services-ի համագործակցության շրջանակում Երևանում չորեքշաբթի անցկացված ScaleUp ինովացիոն ֆորումը հայ և օտարերկրացի ընկերությունների փոխգործակցության հարթակ է դարձել, չորեքշաբթի լրագրողների հետ զրույցում հայտնեց Ամերիաբանկի թվային բանկինգի ծառայության ղեկավար Գրիգոր Դավթյանը։
«Դա տեղեկատվական տեխնոլոգիաների, հաղորդակցության և ֆինանսների հատվածի մեր հյուրերի համար խոսնակների հետ ծանոթանալու, կոնտակտներ փոխանակելու և ինչու ոչ` նոր նախագծեր սկսելու հնարավորություն է։ Դա միայն սկիզբն է, որը, վստահ ենք, շարունակություն կստանա տարբեր ոլորտներում»,– ասաց Դավթյանը։ Նա նշեց, որ այդ ֆորումի կազմակերպման գաղափարները ծագել է AWS–ի հետ գործակցության շրջանակում որոշակի պրոդուկտի շուրջ։
Загружается новость ... "Лево"
«Մտածեցինք` ինչու և ոչ։ Պետք է կիսվել, և դա կօգնի Հայաստանի զարգացմանը, այստեղ տեղակայված ընկերություններին ավելի մեծ հնարավորություններ է ւնձեռում նոր ծառայությունների ներդրման համար, քանի որ ինչպես AWS–ը, այնպես էլ մյուս հրավիրված հյուրերն իրենց հետ բերել են տեխնոլագիական միտումները և պատրաստ են կիսվել դրանով»,– ասաց ծառայության ղեկավարը։
Դավթյանը միաժամանակ նշեց, որ AWS–ի ընթացիկ նախագծեր կան, բայց ներկա պահին չի կարող ներկայացնել բոլորի էությունը, սակայն դրանք բոլորն էլ ուղղված կլինեն հաճախորդներին տրամադրվող ծառայությունների որակի բարելավմանը և թվայնացմանը։
Ավելին, նա հայտնեց, որ ընկերությունը մշտապես նոր լուծումներ է փնտրում։ «Նոր տեխնոլոգիաների ոլորտում ամեն ինչ շատ արագ է փոխվում, և հնարավոր չէ կենտրոնանալ միայն մեկ լուծման և մատակարարի վրա։ Ամեն տարի ինչ–որ նոր բան է ծնվում, և մենք, որպես ինովացիոն բանկ, հետևում ենք դրան և ցանկանում ենք առաջինը դա ներդնել»,– ասաց Դավթյանը։
Amazon Web Services–ն (AWS) աշխարհում մեծ տարածում գտած ամպային հարթակներից է, որն ունի բավականին լայն հնարավորություններ։ Amazon Web Services–ը տրամադրում է 165 բազմաֆունկցիոնալ ծառայություններ տվյալների մշակման կենտրոնների համար։ 2018թ.–ի արդյունքում, AWS ծառայությունից ստացված Amazon–ի տարեկան հասույթը կազմել է 25,6 մլրդ դոլար, իսկ մաքուր եկամուտը` 7,6 մլրդ դոլար։
«Ամերիաբանկ» ՓԲԸ–ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ-ից տրամադրում է նորարարական բանկային ծառայությունների լայն տեսականի: 2018թ.–ի արդյունքում Ամերիաբանկը Հայաստանի բանկային հատվածի առաջատարն է բոլոր հիմնական ցուցանիշներով (ակտիվներ, պարտավորություններ, վարկային պորտֆել, մաքուր եկամուտ և կապիտալ)։–0–