ԵՐԵՎԱՆ, 4 մարտի. /Նովոստի-Արմենիա/. Հատուկ քննչական ծառայությունը որոշում է կայացրել դադարեցնել Երևանի նախկին քաղաքապետ Երվանդ Զախարյանի և քաղաքապետարանի ճարտարապետության և քաղաքաշինության վարչության նախկին պետ Արսեն Լալայանցի քրեական հետապնդումը:
Ինչպես «Նովոստի-Արմենիա» գործակալությանը հայտնեց ՀՔԾ մամուլի խոսնակ Մարինա Օհանջանյանը, այդ որոշումը կայացվել է՝ հիմք ընդունելով հանցագործության վաղեմության ժամկետի լրանալը:
Զախարյանն ու Լալայանցը մեղադրվում են լիազորությունները չարաշահելու մեջ, ինչը հանգեցրել է ծանր հետևանքների: Նրանց քրոական գործի շրջանակում մեղադրանք է առաջադրվել Երևան համայնքին պատկանող հողամասերի՝ մասնավոր անձանց օտարման գործով:
«Որոշումը կայացվել է հանցագործության վաղեմության ժամկետը լրանալու հիման վրա, բայց դա չի նշանակում, որ քրեական գործը փակված է: Նախաքննությունը կշարունակվի, և ՀՔԾ եզրակացությունը կուղարկվի դատախազություն և օտարված հողատարածքները կվերադրձվեն Հայմայնքին», - ասաց Օհանջանյանը:
Նրա խոսքով՝ գործընթացի հետագա ընթացքը պետք է որոշի Հայաստանի դատախազությունը՝ նախաքննության ընթացքում հավաքած նյութերի և եզրակացությունների հիման վրա:
Ինչպես նախկինում հայտնել էր ՀՔԾ-ի մամուլի ծառայությունը, Երևան քաղաքի գլխավոր հատակագծով հասարակական նշանակության կանաչ տարածքների գոտում ներառված, «Հաղթանակ զբոսայգու» մաս կազմող և Երևան քաղաքի Ազատության պողոտա 2/5 հասցեում գտնվող 10.000քմ հողատարածքը Երևանի քաղաքապետի 12.03.2008թ. որոշմամբ, հիշյալ զբոսայգու զբաղեցրած տարածքի վերաճշտման պատրվակով թողարկված նոր գլխավոր հատակագծով, անհիմն և ապօրինի կերպով դուրս է թողնվել զբոսայգու տարածքից:
Այնուհետև Երևանի քաղաքապետի կողմից ծառայության շահերին հակառակ կայացված մեկ այլ՝ 08.04.2008թ. որոշմամբ օրենսդրությամբ նախատեսված սահմանափակումների ցանկում ընդգրկված և օտարման ոչ ենթակա վերը նշված հողատարածքը կադաստրային արժեքով` 164.760.000 ՀՀ դրամով /այսինքն` 1քմ-ն ընդամենը 16.476 ՀՀ դրամով/, ուղղակի վաճառքի միջոցով օտարվել է «Գոլդեն Փելիս» Հյուրանոց» ՍՊ ընկերությանը:
29.05.2015թ.-ին հիշյալ ընկերությունն այդ հողատարածքի գրավադրմամբ ՀՀ-ում գործող առևտրային բանկերից մեկից ստացել է 2.800.000 ԱՄՆ դոլար վարկ: Հետագայում ընկերության և բանկի միջև կնքված մի շարք համաձայնագրերով վարկային պայմանագրում կատարված փոփոխություններով համագործակցության գումարը հետզհետե ավելացել է՝ հասնելով մինչև 12 միլիարդ ՀՀ դրամի, ինչը շուրջ 70 անգամ գերազանցում է տվյալ հողատարածքի ձեռք բերման արժեքը:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում