ԵՐԵՎԱՆ, 27 հունիսի./Նովոստի–Արմենիա/. Երևանի ավագանու այսօր ընդունված որոշմամբ, մայրաքաղաքի Սարգիս Կասյան փողոցը վերանվանվել է Վազգեն Առաջինի փողոց։ Անվանափոխության օգտին միաձայն քվեարկել է ավագանու 48 անդամ։
Փոխքաղաքապետ Տիգրան Ավինյանը, ներկայացնելով նախագիծը, միացրել է այս հարցի շուրջ իր ելույթի ձայնագրությունը 2017թ.–ին։ Ավինյանը «անցյալից» այն ժամանակ հայտարարել է, որ հեղափոխական Սարգիս Կասյանը «կանգնած է եղել հայկական առաջին հանրապետության կործանման ակունքներում», իսկ Վազգեն Ա կաթողիկոսը հայ ժողովրդի հերոսն է, ով նպաստել է հայոց պետականությանը։
Սարգիս Կասյանը 20-րդ դարի սկզբում Անդրկովկասի բոլշևիկյան առաջնորդներից է, զբաղեցրել է Արմենկոմի նախագահի պաշտոնը։ 1937-ի դեկտեմբերին առանց հիմնավորման ենթարկվել է ռեպրեսիաների և գնդակահարվել, 1955-ին հետմահու արդարացվել է։
Վազգեն Առաջինը Ամենայն Հայոց 130-րդ Կաթողիկոսն է (1955-1994 թթ.), աշխարհիկ անունն է Լևոն Պալճյանը։ 20-րդ դարի ականավոր եկեղեցական և հասարակական գործիչ է։ 1950-1960-ական թվականներին շրջել է աշխարհի բոլոր հայկական գաղթօջախներով։ Նրա ջանքերով կազմավորվել է Հայ Առաքելական Եկեղեցու արտերկրյա թեմերի հիմնական մասը։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում