Երևանում անցկացվում է ընդդիմության հանրահավաք-երթը (ՎԻԴԵՈ)

ԱԺ փոխխոսնակ, «Հայաստան» ընդդիմադիր խմբակցության ներկայացուցիչ Իշխան Սաղաթելյանն առաջարկեց երթով անցնել Ֆրանսիայի հրապարակից մինչև Փոքր կենտրոն՝ կրկին փակելով ճանապարհներն ու վերադառնալ հրապարակ:

Ընդդիմության կոչով մայիսի 2-ի առավոտից ցուցարարները սկսել են փակել Երևանի գլխավոր փողոցներն ու խաչմերուկները, որոնք կապում են Երևանի ծայրամասը կենտրոնի հետ: Երևանի մեծ կենտրոնում տրանսպորտի երթևեկությունը գրեթե կաթվածահար վիճակում էր, փակ էին Բաղրամյան պողոտան, Խորենացի և Ագաթանգեղոս փողոցների խաչմերուկները, Մյասնիկյան, Արշակունյաց, Գրիգոր Լուսավորիչ պողոտաները և այլն: Ցուցարաները վանկարկում են «Առանց Նիկոլ Հայաստան», նրանց թվում են ընդդիմադիր պատգամավորներ: Ոստիկանները բերման են ենթարկել ցուցարարներին, տարբեր տվյալներով՝ բերման է ենթարկվել 120-200 մարդ:-0-