Երևանի կենտրոնում մեկնարկում են տոնական համերգային ծրագրեր, գլխավոր տոնական համերգը տեղի կունենա Ամանորյա գիշերը

ԵՐԵՎԱՆ, 9 դեկտեմբերի./Նովոստի-Արմենիա/. Դեկտեմբերի 9-ից սկսած Երևանի հիմնադրման 2750-ամյակին նվիրված շատրվանների պուրակում սիրված արտիստների և խմբերի մասնակցությամբ 7 համերգ է մեկնարկելու, հաղորդում է Երևանի քաղաքապետարանը:

Դեկտեմբերի 31-ին, ժամը՝ 23:00-ին էլ Հանրապետության հրապարակում կկայանա գլխավոր տոնական համերգը:

Քաղաքապետարանից հայտնեցին, որ միջոցառումների մասին ավելի մանրամասն կտեղեկացնեն նախապես:

Հաղորդվում է, որ արդեն գործում է Սուրբծննդյան տոնավաճառը, որը գործելու է մինչև 2023թ.-ի հունվարի 6-ը:-0-