Վաղարշակ Հարությունյանն ընդունել է ԼՂ–ում ՌԴ խաղաղապահ զորախմբի հրամանատար Մուրադովին, քննարկվել է փոխգործակցության մի շարք խնդիրներ
10.02.2021,
12:24
Վաղարշակ Հարությունյանն ընդունել է ԼՂ–ում ՌԴ խաղաղապահ զորախմբի հրամանատար Մուրադովին, քննարկվել է փոխգործակցության մի շարք խնդիրներ
ԵՐԵՎԱՆ, 10 փետրվարի./Նովոստի–Արմենիա/. Փետրվարի 10-ին ՀՀ պաշտպանության նախարար Վաղարշակ Հարությունյանն ընդունել է Լեռնային Ղարաբաղի հակամարտության գոտում հրադադարի ռեժիմի վերահսկման նպատակով տեղակայված ՌԴ խաղաղապահ զորախմբի հրամանատար, գեներալ-լեյտենանտ Ռուստամ Մուրադովին, հաղորդում է ՀՀ ՊՆ–ն:
Загружается новость ... "Лево"
Վաղարշակ Հարությունյանը շնորհակալություն հայտնել է գեներալ-լեյտենանտ Ռուստամ Մուրադովին՝ գերիների փոխանակման գործընթացում ակտիվ դերակատարում ունենալու, ինչպես նաև անհայտ կորածների որոնողական աշխատանքներին աջակցելու համար և գոհունակությամբ նշել ռուսական խաղաղապահ զորախմբի գործունեության արդյունավետությունը։
Հանդիպման ընթացքում պաշտպանական գերատեսչության ղեկավարն անդրադարձել է փոխգործակցության մի շարք խնդիրների և այդ առնչությամբ ՌԴ խաղաղապահ զորախմբի հրամանատարին ներկայացրել իր դիտարկումները։
Վաղարշակ Հարությունյանն ընդգծել է ձեռք բերված պայմանավորվածությունների պահպանման համար իրականացվող քայլերի շարունակականության անհրաժեշտությունը։–0–
Պատճենել հղումը
