«Ուզում եմ նայել աչքերի մեջ»․ ԱԺ-ում թեժ իրավիճակ է (ՎԻԴԵՈ)

ԵՐԵՎԱՆ, 24 մայիսի․/Նովոստի-Արմենիա/․ ԱԺ նիստում այսօր իրավիճակը կտրուկ սրվեց, քաշքշուկ սկսվեց ընդդիմադիր և իշխող «Քաղաքացիական պայմանագիր» խմբակցության պատգամավորների միջև։

ԱԺ նիստում քննարկվում է կոռուպցիոն հանցագործությունների քննությամբ Վճռաբեկ դատարանի Հակակոռուպցիոն պալատի դատավորների ընտրության հարցը։ Բարձրագույն դատական խորհուրդն առաջադրել է դատավորներ Արմեն Դանիելյանի, Ելիզավետա Դանիելյանի և Արսեն Նիկողոսյանի թեկնածությունները։

Վեճը ծագեց ընդդիմադիր «Հայաստան» դաշինքի պատգամավոր Արթուր Սարգսյանի ելույթից հետո, ով ցանկացավ դատավորի թեկնածու Արմեն Դանիելյանի և իշխող կուսակցության պատգամավորների «աչքերին նայել»։

Բանն այն է, որ դատավոր Դանիելյանը ժամանակին Սարգսյանին կալանավորելու որոշում է կայացրել։ Այնուհետև նա արդարացվել է բարձրագույն մարմնի կողմից։ Պատգամավորը, մասնավորապես, դժգոհեց, որ դատավարության ընթացքում իր դիրքորոշումը այդպես էլ չի լսվել։ Դատավորը որոշում է կայացրել՝ հաշվի չառնելով պաշտպանական կողմի դիրքորոշումը։

Խորհրդարանականի խոսքով՝ Դանիելյանի համար սա առաջին դեպքը չէր։ Սարգսյանը համոզված է, որ մեկ անգամ չէ, որ նման ապօրինի որոշումներ են կայացվել։

Արդյունքում նիստերի դահլիճում հայհոյանքներ հնչեցին և քաշքշուկ սկսվեց, ինչին միջամտեցին անվտանգության աշխատակիցները, որոնք հերթապահություն են իրականացնում նիստերի դահլիճի մոտ։-0-