410.4
6.89
411.14
+17
Եղանակը Երևանում
Հայ

Շենգենյան «ուղեգիր»` 20–26 հազար դոլարով. Հայաստանում հանցավոր սխեմա է բացահայտվել (ՎԻԴԵՈ)

11:08
19 Հուլիսի 2022

ԵՐԵՎԱՆ, 19 հուլիսի./Նովոստի–Արմենիա/. ՀՀ ազգային անվտանգության ծառայության Երևանի քաղաքային վարչության և ԱԱԾ քննչական դեպարտամենտի կողմից իրականացված մեծածավալ օպերատիվ-հետախուզական միջոցառումների և պլանավորված քննչական գործողությունների արդյունքում պարզվել է, որ մի խումբ անձինք` շահադիտական նպատակով, երկու և ավելի անձանց անօրինական միգրացիան կազմակերպելու դիտավորությամբ, նախնական համաձայնության գալով Երևան քաղաքում գործող տուրիստական գործակալության ղեկավար կազմի հետ, կատարելով դերերի բաշխում, յուրաքանչյուր անձի հաշվարկով 20000-26000 ԱՄՆ դոլարի դիմաց կազմակերպել են ՀՀ մի շարք քաղաքացիների անօրինական մեկնումը օտարերկրյա պետություններ և Շենգենյան համաձայնության երկրներ՝ այդ նպատակով մեկնող անձանց անվամբ պատրաստելով աշխատանք ունենալու, աշխատավարձի չափի, այլ եկամուտների, անշարժ ու շարժական գույքերի վերաբերյալ կեղծ փաստաթղթեր, որոնք ներկայացվել են ՀՀ-ում և արտերկրում գտնվող իրավասու մարմիններին, հաղորդում է ՀՀ ԱԱԾ–ն:

Նախաքննության ընթացքում քրեական վարույթի շրջանակներում անօրինական միգրացիայի կազմակերպմամբ զբաղվող հանցավոր խմբի անդամների բնակարաններում, ավտոմեքենաներում, ինչպես նաև տուրիստական գործակալությունում կատարված խուզարկություններով հայտնաբերվել և վերցվել են բազմաթիվ կեղծ կնիքներ, դրոշմներ, փաստաթղթեր, փաստաթղթերի դատարկ ձևանմուշներ, օտարերկրյա պետություններ անօրինական մուտքի թույլտվություն ստացած մի քանի տասնյակ քաղաքացիների կողմից վճարված առանձնապես խոշոր չափերով գումարների վերաբերյալ գրառումներ պարունակող նոթատետրեր, էլեկտրոնային կրիչներ:

«Հատկանշանական է նաև այն, որ հանցավոր խմբի անդամներն իրենց հանցավոր մտադրությունն ավարտին հասցնելու համար չեն խորշել նույնիսկ պետության հեղինակությունն ու միջազգային վարկանիշն էապես խաթարող այնպիսի կեղծ տեղեկություններ ներկայացնելուց, ինչպիսիք են քաղաքական հայացքներով պայմանավորված՝ անձանց որոշ խմբերի նկատմամբ ՀՀ-ում քաղաքական հետապնդումների ենթարկվելու, իշխանությունների կողմից բռնաճնշումներ գործադրելու և այլ մտացածին նույնաբնույթ հանգամանքների վերաբերյալ», – նշվում է գերատեսչության հաղորդարության մեջ:

Մասնավորապես` վարույթում առկա փաստական տվյալներով հաստատվել է, որ խմբի անդամները մի շարք անձանց տրամադրել են նախապես մշակված տեքստեր այն մասին, թե իբր ՀՀ-ում 2018 թվականից հետո գործող իշխանությունների կողմից քաղաքական ճնշումներ են սկսվել Հանրապետական կուսակցության անդամների և նրանց աջակիցների նկատմամբ, որի արդյունքում չեն դիմացել հալածանքներին, հետապնդումներին և հարկադրված լքել են հայրենիքը, ինչի կապակցությամբ հրահանգավորումներ են կատարել և հորդորել քաղաքացիներին՝ նույնությամբ չկրկնել տեքստի բովանդակությունը:

Ավելին, խմբի անդամները նախապես մշակված տեքստերում հատուկ շեշտադրումներ են կատարել այն մասին, որ քաղաքական հայացքներով պայմանավորված՝ հիշյալ անձանց կյանքին ու ազատությանը վտանգ է սպառնում, նրանք կորցրել են իրենց բիզնեսը և այլ մտացածին կեղծ տեղեկություններ՝ հայցելով օտարերկրյա կառավարությանը՝ քաղաքական ապաստան տրամադրել իրենց:

Նախաքննության ընթացքում ձեռք բերված փաստական տվյալների հիման վրա հսկող դատախազի կողմից որոշում է կայացվել հանցավոր խմբի անդամներից 6-ի նկատմամբ անօրինական միգրացիայի կազմակերպման, ինչպես նաև կեղծ փաստաթղթեր, կնիքներ պատրաստելու և օգտագործելու համար ՀՀ քրեական օրենսգրքի համապատասխան հոդվածներով հանրային քրեական հետապնդում հարուցելու մասին, նրանցից 4-ի նկատմամբ որպես խափանման միջոց է ընտրվել կալանավորումը, 1 անձի նկատմամբ կիրառվել է գրավ, իսկ 1-ի նկատմամբ հայտարարվել է հետախուզում:

Քրեական վարույթով նախաքննությունը շարունակվում է, իրականացվում են քննչական անհրաժեշտ գործողություններ և օպերատիվ հետախուզական միջոցառումներ՝ դեպքի բոլոր հանգամանքները, հանցավոր սխեմայում ներգրավված անձանց ամբողջական շրջանակը պարզելու և նրանց նկատմամբ քրեաիրավական ներգործության միջոցներ կիրառելու համար:

Ազգային անվտանգության ծառայությունը զգուշացնում է, որ իրեն վերապահված լիազորությունների շրջանակում այսուհետ ևս համարժեք միջոցներ է ձեռնարկելու` ՀՀ քաղաքացիների՝ օտարերկրյա պետություններ մուտքն ապօրինի ճանապարհով կազմակերպող հանցավոր խմբերի բացահայտման ու մեղավորներին քրեական պատասխանատվության ենթարկելու ուղղությամբ, միաժամանակ տեղեկացնում, որ նշված հանցավոր արարքի համար ՀՀ քրեական օրենսգրքով նախատեսված է ազատազրկում` 4-8 տարի ժամկետով:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով:–0–


Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
14:38
15 Սեպտեմբերի 2022
Ադրբեջանի ռազմական գործողությունների հետևանքով, նախնական տվյալներով, Գեղարքունիքում, Սյունիքում և Վայոց Ձորում վնասվել է 192 բնակելի տուն. նախարարի տեղակալ
Ադրբեջանի ռազմական գործողությունների հետևանքով, նախնական տվյալներով, Գեղարքունիքում, Սյունիքում և Վայոց Ձորում վնասվել է 192 բնակելի տուն
14:30
15 Սեպտեմբերի 2022
Wizz Air լոուքոսթերը թռիչքներ կիրականացնի Միլան–Երևան Միլան երթուղով
Wizz Air լոուքոսթերը թռիչքներ կիրականացնի Միլան–Երևան Միլան երթուղով
13:56
15 Սեպտեմբերի 2022
ՀԱՊԿ–ում մեկնաբանել են Հայաստան խաղաղապահներ ուղարկելու հարցը
ՀԱՊԿ–ում մեկնաբանել են Հայաստան խաղաղապահներ ուղարկելու հարցը
13:31
15 Սեպտեմբերի 2022
Ադրբեջանը պատրաստակամություն է հայտնել փոխանցել 100 հայ զինծառայաողի մարմին. ԿԽՄԿ (ԷՔՍԿԼՅՈւԶԻՎ)
ԿԽՄԿ–ից  հայտնեցին, որ Ադրբեջանը պատրաստակամություն է հայտնել փոխանցել 100 հայ զինծառայաողի մարմին
11:21
15 Սեպտեմբերի 2022
Ժամը 11:00-ի դրությամբ հայ-ադրբեջանական սահմանին էական միջադեպեր չեն արձանագրվել. ՊՆ
ՊՆ–ից հայտնում են, որ ժամը 11:00-ի դրությամբ հայ-ադրբեջանական սահմանին էական միջադեպեր չեն արձանագրվել
11:16
15 Սեպտեմբերի 2022
Առաջին անգամ Հայաստանն ունի կին դատախազ. Վարդապետը երդվեց ԱԺ–ում
Առաջին անգամ Հայաստանն ունի կին դատախազ. Վարդապետը երդվեց ԱԺ–ում
09:02
15 Սեպտեմբերի 2022
Միջազգային հանրության ներգրավվածության շնորհիվ կա հրադադարի պայմանավորվածություն․ ԱԽ քարտուղար
Միջազգային հանրության ներգրավվածության շնորհիվ կա հրադադարի պայմանավորվածություն Հայաստանի և Ադրբեջանի միջև
08:51
15 Սեպտեմբերի 2022
ՊՆ. գիշերը հայ-ադրբեջանական սահմանին էական միջադեպեր չեն արձանագրվել
Գիշերը հայ-ադրբեջանական սահմանին էական միջադեպեր չեն արձանագրվել
00:20
15 Սեպտեմբերի 2022
Սյունիքի մարզից որևէ բնակավայր Ադրբեջանի վերահսկողության տակ չի անցել. մարզպետարան
Սյունիքի մարզպետարանից հայտնում են, որ մարզից որևէ բնակավայր Ադրբեջանի վերահսկողության տակ չի անցել
23:08
14 Սեպտեմբերի 2022
Ժամը 20։00-ից սահմանի բոլոր ուղղություններով կրակը գրեթե դադարել է, էական միջադեպեր չեն արձանագրվել. ՊՆ
ՊՆ-ն հայտնում է, որ ժամը 20։00-ից սահմանի բոլոր ուղղություններով կրակը գրեթե դադարել է, էական միջադեպեր չեն արձանագրվել
22:33
14 Սեպտեմբերի 2022
«Որևէ փաստաթուղթ չի պատրաստվում ստորագրման». Փաշինյանը բողոքի ակցիայի ֆոնին կոչ արեց «չտրվել դիվերսիայի արտաքին ոչ բարեկամական ուժերի կողմից»
«Որևէ փաստաթուղթ չի պատրաստվում ստորագրման». Փաշինյանը բողոքի ակցիայի ֆոնին կոչ արեց «չտրվել դիվերսիայի արտաքին ոչ բարեկամական ուժերի կողմից»
22:18
14 Սեպտեմբերի 2022
Ուզում ենք ստորագրել մի թուղթ, որի արդյունքում մեզ լիքը մարդ կքննադատի, լիքը մարդ կհայհոյի. Փաշինյան
Փաշինյանը նշեց, որ իր վրա վերցրել է պատասխանատվություն՝ գնալ ծանր որոշումների՝ հանուն խաղաղության