ԵՐԵՎԱՆ, 28 մարտի./Նովոստի–Արմենիա/. ՀՀ վարչապետ Նիկոլ Փաշինյանը հայտարարել է, որ ապրիլին հրաժարական կտա։
«Ես հրաժարական կտամ ոչ թե գնալու համար, այլ որպեսզի տեղի ունենան արտահերթ ընտրությունները։ Այդ ընթացքում ես կշարունակեմ կատարել վարչապետի պարտականությունները», – ասաց նա կիրակի Արարատի մարզի Արագած համայնքի բնակիչների հետ հանդիպման ժամանակ։
Նա վստահեցրեց, որ ժողովրդի ազատ կամարտահայտմանը ոչինչ չի կարող խանգարել և կոչ արեց գնալ ընտրություններին` ապագայի մասին որոշում կայացնելու համար։
«Եթե դուք վերահաստատեց ձեր մանդատը, ապա ես և իմ թիմը կշարունակենք ծառայել ձեզ ավելի լավ, քան նախկինում։ Եթե չվերահաստատեք, ապա մենք ինքնակամ կթողնենք իշխանությունն ու կփոխանցենք այն նրան, ում ընտրեք», – հայտարարեց Փաշինյանը։
Ավելի վաղ Փաշինյանը հայտարարել էր, որ խորհրդարանական ուժերի հետ մի շարք խորհրդակցություններից հետո 2021թ.–ի հունիսի 20–ին կանցկացվեն արտահերթ խորհրդարանական ընտրություններ։–0–
