ԵՐԵՎԱՆ, 13 փետրվարի./Նովոստի–Արմենիա/. ՀՀ կառավարությունը հինգշաբթի նիստի ժամանակ հաստատեց վարչապետի աշխատակազմին հատկացված ֆինանսական միջոցների՝ ըստ ՀՀ ազգային ժողովի ընտրություններում (որոնք կայացել են 2018թ.–ի դեկտեմբերի 2–ին) 3 և ավելի տոկոս ձայն հավաքած առանձին կուսակցությունների և կուսակցությունների դաշինքների բաշխումը:
Ներկայացնելով նախագիծը` ֆինանսների նախարար Ատոմ Ջանջուղազյանը նշեց, որ ըստ կանոնակարգի` քաղաքական ուժերին աջակցություն տրամադրելու հայտ ներկայացնում է վարչապետի աշխատակազմը, որի վրա դրված են միջոցների բաշխման գործառույթները։
Ըստ որոշման, կուսակցություններին և քաղաքական ուժերին աջակցելու համար 2020թ.–ին տրամադրվելու է 103,7 մլն դրամ (մոտ 216 հազար դոլար)։ «Իմ քայլը» դաշինքը կստանա 78 մլն դրամի աջակցություն, «Բարգավաճ Հայաստան» կուսակցությունը` 9,1 մլն դրամ, «Լուսավոր Հայաստան» կուսակցությունը` 7 մլն դրամ։ Ֆինանսավորում կստանա նաև Հայաստանի Հանրապետական կուսակցությունը (5,2 մլն դրամ) և ՀՅԴ–ն` 4,3 մլն դրամ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում