«Մենք գլխատել ենք հայերին». Հայաստանում այսօր հայտնաբերված ադրբեջանցին խոստովանել է դաժան սպանությունների մեջ (ՎԻԴԵՈ)

ԵՐԵՎԱՆ, 13 ապրիլի./Նովոստի–Արմենիա/. Հայաստանում այսօր հայտնաբերված և ձերբակալված ադրբեջանցի զինծառայողը տեսանյութ է հրապարակել` խոստովանելով հայերի նկատմամբ կատարած դաժան սպանությունների մեջ։


«Մենք թափել ենք հայերի արյունը։ Մենք գլխատել ենք հայերին։ 400-500 հայի գլուխ ենք կտրել։ Եվ հիմա մենք դեռ ողջ ենք, մահացած չենք։ Նույնիսկ եթե մահանանք, թող մեզ գնահատեն։ Մենք հայրենիքի դավաճաններ չենք», – ասում է ադրբեջանցի զինծառայողը տեսանյութում, որը նա նկարահանել է հեռախոսով նախքան ձերբակալվելը։

Տեսանյութը հրապարակել է «Արմենպրես» գործակալությունը։

Հիշեցնենք, որ ՀՀ ՊՆ–ն ապրիլի 10–ին հայտնել էր, որ ժամը 01:00-02:00-ն ընկած ժամանակահատվածում, ՀՀ տարածքում հայտնաբերվել և ձերբակալվել է Ադրբեջանի ԶՈՒ զինծառայող: Ըստ նրա խոսքի` իր հետ եղել է ևս մեկ զինծառայող, որին որոնում են։

Նշենք, որ նախօրեին ՀՀ վարչապետ Նիկոլ Փաշինյանն ԱԺ–ում հայտարարել էր, որ ադրբեջանցի զինվորները փախուստի են դիմել իրենց դիրքերից մյուս համածառայակիցների կողմից ճնշումների ենթարկվելու պատճառով, և ամենևին էլ փաստ չէ, որ զինծառայողը ցանկանում է վերադառնալ Ադրբեջան։

«Ըստ մեր ունեցած տվյալների, երկրորդ զինվորը, որը փնտրվում է, սահմանը հատելուց շատ չանցած, սահմանամերձ գյուղում, ասել է, որ փոշմանել է և ուզում է վերադառնալ», – ասել էր Փաշինյանը։–0–