Մեկնարկում է Երևան–Դելի ուղիղ չվերթ․ այն առաջին ուղիղ ավիափոխադրումն է Հայաստանի և Հնդկաստանի միջև
27.01.2025,
13:21
Սա առաջին ուղիղ ավիափոխադրումն է Հայաստանի և Հնդկաստանի միջև
ԵՐԵՎԱՆ, 27 հունվարի․/Նովոստի–Արմենիա/․ Armenian Airlines ավիաընկերությունը փետրվարի 21-ից մեկնարկում է ուղիղ չվերթեր Երևանից դեպի Դելի։ Սա առաջին ուղիղ ավիափոխադրումն է Հայաստանի և Հնդկաստանի միջև, հայտնում են ավիաընկերությունից։
Թռիչքները կիրականացվեն շաբաթական երկու անգամ՝ երեքշաբթի և ուրբաթ օրերին, հարմարավետ Airbus 321-200 ինքնաթիռով՝ նախատեսված 220 ուղևորի համար։
Երևան - Դելի թռիչքի տևողությունը 4 ժամ 40 րոպե է, հետադարձը՝ 5 ժամ 10 րոպե։
Մոսկվայից ուղևորները նույնպես կարող են հեշտությամբ հասնել Դելի՝ «Շերեմետևո» միջազգային օդանավակայանից Երևանով հարմարավետ տրանսֆերային թռիչքների շնորհիվ։
Ընթացիկ չվացուցակը և տոմսերի ամրագրումները հասանելի են ավիաընկերության պաշտոնական կայքում, տոմսարկղերում:
Պատճենել հղումը
