ՄՏՍ–ն ԱՄՆ–ի հայցով ստուգում է սկսել իր հայկական «դուստր» ընկերությունում

ԵՐԵՎԱՆ, 18 նոյեմբերի./Նովոստի–Արմենիա/. ՄՏՍ–ը հայտնել է, որ compliance–մոնիտորինգի համակարգը, որը նա ներդրել է ամերիկյան իշխանությունների հետ պայմանավորվածությամբ, ուշադրություն է դարձրել Հայաստանում ընկերության «դստեր» գործառնությունների վրա, հաղորդում է ARKA-Telecom հեռահաղորդակցական պորտալը` հղում անելով Forbes.ru–ին։

ՄՏՍ–ը հայտարարել է, որ գործառնությունների մասին տեղեկատվությունը տրամադրել է ԱՄՆ–ի արդարադատության դեպարտամենտին և Արժեթղթերի և ֆոնդային բորսաների հանձնաժողովին։ Նրանք նաև պահանջել են լրացուցիչ տեղեկատվություն այդ գործառնությունների մասին, իսկ ՄՏՍ–ը ստուգում է սկսել։

«Այս պահին մենք չենք կարող կանխատեսել ստուգման ավարտի ժամկետներն ու արդյունքը», – նշվում է ՄՏՍ–ի զեկույցում։

Ինչպես «Ինտերֆաքսին» հայտնել են ՄՏՍ–ի մամուլի ծառայությունից, որպես հրապարակային ընկերություն` նրանք միշտ հրապարակում են ցանկացած տեղեկատվություն կարգավորիչների հարցումների մասին։

«Վաղաժամ է այս փուլում ավելի մանրամասն մեկնաբանել ստուգումների ընթացքն ու բովանդակությունը։ Մենք շարունակում ենք զարգացնել compliance համակարգը ՄՏՍ–ում, այդ թվում` Հայաստանի մեր ստորաբաժանման մեջ», – նշել են ընկերությունից։

ՄՏՍ–ը 2019թ.–ին SEC–ի և ԱՄՆ–ի Արդարադատության նախարարության հետ խաղաղ համաձայնագրի շրջանակում ներդրել է անկախ compliance–մոնիտորինգի համակարգ` հակակոռուպցիոն քաղաքականության, ընկերության ներքին կանոնակարգերի և ընթացակարգերի կատարելագործման համար։ Համաձայնագիրը ստորագրվել է Ուզբեկստանում ընկերության գործունեության հակակոռուպցիոն քննության շրջանակում։ Դրանով ընկերությունը 2019թ.–ին ԱՄՆ–ի իշխանություններին վճարել են 850մլն դոլարի տուգանք։

Viva-MTS–ի մասին

Viva-MTS ընկերությունը («ՄՏՍ Հայաստան» ՓԲԸ) Հայաստանում բջջային կապի առաջատար օպերատորն է, որն ունի ամենալայն ցանցն ու տրամադրում է ձայնային և տվյալների փոխանցման ծառայությունների լայն շրջանակ։ Առաջնահերթ համարելով բաժանորդների համար առավելագույն որակյան ծառայությունների սկզբունքները` ընկերությունը հիմնադրման պահից 2005թ.– ի հուլիսի 1–ից կարճ ժամանակահատվածում կարողացել է ստեղծել համազգային ցանց` բաժանորդների մեծ բազայով։

Viva-MTS–ը նորարարությունների ոլորտի առաջատարն է, կիրառում է այդ ոլորտի բոլոր լուծումները` ի շահ երկրի բջջային կապի շուկայի։ Ընկերությունն իր գործունեության իրականացման ժամանակ ղեկավարվում է ISO 26000 (Սոցիալական պատասխանատվություն), ISO/IEC 27001:2013 (Տեղեկատվական անվտանգության կառավարման համակարգ), ինչպես նաև ISO 37001 (Կոռուպցիայի և կաշառակերության կանխարգելման միջազգային չափորոշիչներ) ստանդարտներով։–0–