Լուրեր են շրջանառվում այն մասին, որ Տավուշի մի քանի գյուղ անցնում է Ադրբեջանի հսկողության տակ, մարզպետարանը մեկնաբանում է

ԵՐԵՎԱՆ, 8 հունվարի./Նովոստի–Արմենիա/. Տավուշի մարզպետարանը մեկնաբանել է շրջանառվող խոսակցություններն այն մասին, թե իբր մարզի մի քանի գյուղ և ճանապարհի մի հատված անցնում է Ադրբեջանի հսկողության տակ։ 

Մարզպետարանից հորդորում են չտարածել ապատեղեկատվություն, չվտանգել մեր սահմանների և սահմանապահ բնակիչների անվտանգությունը: 

«Շրջանառվող այն տեղեկատվությունը, ըստ որի իբր Տավուշի մարզի մի քանի գյուղ և ճանապարհի մի հատված անցնում է Ադրբեջանի հսկողության տակ, իրականության հետ որևէ առնչություն չունի: Հարգելի տավուշցիներ, շրջանցեք թշնամու կողմից տարածվող ապատեղեկատվությունը: Տավուշի մարզի յուրաքանչյուր բնակչի անվտանգության երաշխավորը հայկական բանակն է և հայ զինվորը», – նշվում է մարզպետարանի Facebook–յան էջում:–0–