Լարսը փակ է բոլոր տեսակի տրանսպորտային միջոցների համար. ԱԻՆ

ԵՐԵՎԱՆ, 27 հունիսի./Նովոստի–Արմենիա/. Ստեփանծմինդա-Լարս ավտոճանապարհը քարաթափման վտանգի պատճառով փակ է բոլոր տեսակի տրանսպորտային միջոցների համար:

Այս մասին հայտնում է ՀՀ ԱԻՆ–ը` հղում անելով Վրաստանի ՆԳՆ ԱԻ դեպարտամենտին և ՌԴ ԱԻՆ Հյուսիսային Օսիայի ճգնաժամային կառավարման կենտրոնին։

ԱԻՆ–ից նաև հայտնում են, որ Մ3 ավտոճանապարհի Արմավիրի մարզի Լուսագյուղ-Երասխահուն հատվածում գտնվող կամրջի վնասման հետևանքով ճանապարհահատվածի երթևեկությունն իրականացվում է մեկ գոտիով՝ երկկողմ երթևեկությամբ։–0–