ԵՐԵՎԱՆ, 25 հունիսի./Նովոստի–Արմենիա/. Հռոմի Ֆրանցիսկոս Պապը Արևելյան եկեղեցիների օգնության միավորման ասամբլեայի (ROACO) անդամների հետ հանդիպման ժամանակ հիշել է Հայաստան կատարած իր այցը, հաղորդում է Vaticannews–ը։
«2016թ.–ին Հայաստան կատարած իր առաքելական այցի վերջում մենք` Կաթողիկոս Գարեգին երկրորդի հետ աղավնիներ բաց թողեցինք երկինք` որպես խաղաղության նշան ամբողջ Կովկասում։ Ցավոք, վերջին ամիսներին իրավիճակը կրկին վատացել է։ Շնորհակալ եմ ձեր ուշադրության համար Վրաստանում և Հայաստանում տիրող իրավիճակին, որն ուղղված է նրան, որպեսզի կաթոլիկ համայնքը հետագայում էլ շարունակի ծանոթ լինել ավետարանական կյանքին», – նշել է Հռոմի Պապը։
2016թ.–ի հունիսի Հռոմի Ֆրանցիսկոս Պապը առաքելական այցով ժամանել էր Հայաստան` որպես պետական կրոն քրիստոնեությունն ընդունած առաջին երկիր։ Այդ իրադարձության նշանաբանն էր «Այց առաջին քրիստոնեական երկիր»։
Հռոմի Պապն այցելել էր Հայոց
ցեղասպանության զոհերի հուշահամալիր, գլխավորել էր պատարագը Գյումրիում, մասնակցել
էր Երևանում կազմակերպված էկումենիկ արարողությանն ու խաղաղության աղոթքին, ինչպես
նաև Ամենայն Հայոց Կաթողիկոսի կողմից մատուցած պատարագին Մայր Աթոռ Սուրբ Էջմիածնում։
Եռօրյա այցի ընթացքում Հռոմի Պապը կրկին վերահաստատել է իր դիրքորոշումը Հայոց ցեղասպանության
հարցում` արտասանելով այդ բառը Հայաստանի նախագահի աշխատակազմում կազմակերպված հանդիպման
ժամանակ։–0–