ԵՐԵՎԱՆ, 16 սեպտեմբերի./Նովոստի–Արմենիա/. Հայկական բանակը 6 դիրք է հետ վերցրել։ Այս մասին հայտարարեց ՀՀ ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը ճեպազրույցի ընթացքում։
Նրան հարց ուղղեցին 10 քմ տարածքի ռազմավարական նշանակության մասին, որն օկուպացրել է Ադրբեջանը սեպտեմբերի 13–ին սանձազերծած ագրեսիայի ընթացքում։
«Ցանկացած տարածք, որտեղ մենք ներկայացված ենք եղել, ունեցել է ռազմավարական նշանակություն: Եվ այս գործողությունների արդյունքում, ամենայն հավանականությամբ, նկատելի է, որ Ադրբեջանը մինչև դեմարկացիայի փուլ մտնելը փորձում է սահմանային իր դիրքերն ավելի բարելավել։ Բայց դրանից հետո եղել են դիրքեր, որոնք մեր գործողությունների արդյունքում նորից հետ են անցել մեր տնօրինման տակ, խոսքը 6 դիրքի մասին է», – նշեց նա։
Քոչարյանը ձեռնպահ մնաց մանրամասներ ներկայացնելուց` նշելով, որ հնարավոր են փոփոխություններ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում