635.31
7.06
522.37
+18
Եղանակը Երևանում
Հայ

Հայաստանը տոնում է Ծաղկազարդը` Հիսուսի հաղթական մուտքը Երուսաղեմ

11:32
28 Մարտի 2021

ԵՐԵՎԱՆ, 28 մարտի./Նովոստի–Արմենիա/. Հայ Եկեղեցին Ս. Հարության տոնին նախորդող կիրակի նշում է Ծաղկազարդը, որը Քրիստոսի հաղթական մուտքն է Երուսաղեմ: 

Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի բարձր տնօրինությամբ Ծաղկազարդը հռչակվել է մանուկների օրհնության օր, քանի որ Տիրոջ՝ Երուսաղեմի տաճար մտնելու ժամանակ մանուկներն աղաղակում էին՝ ասելով. «Օրհնությո՜ւն Դավթի որդուն» (Մատթ. 21:15): Այդ օրը եկեղեցիներում կատարվում է Մանուկների օրհնության կարգ: 

Հիսուսի մուտքը Երուսաղեմ ժողովուրդն ընդունել է խանդավառությամբ` ձիթենու և արմավենու ճյուղերի հետ իրենց զգեստները փռելով ճանապարհի վրա և աղաղակելով. «Օվսաննա՜ Բարձյալին, օրհնյալ լինի Նա, Ով գալիս է Տիրոջ անունով, օրհնյալ լինի մեր հոր` Դավթի թագավորությունը, որ գալիս է: Խաղաղություն երկնքում և Փառք բարձունքներում» (Մարկ. 11:9-10): 

Ըստ Եկեղեցու հայրերի՝ Հիսուսի առջև հանդերձներ փռելը խորհրդանշել է մեղքերը Քրիստոսին խոստովանելը: Ոստեր և ճյուղեր ընծայելն ընդհանրապես առանձնակի պատիվներ և հանդիսավորություն էր նշանակում: Ձիթենին ընկալվել է որպես իմաստության, խաղաղության, հաղթանակի և փառքի խորհրդանշան: Մեռյալ Ղազարոսին հարություն տված Քրիստոսին ձիթենու և արմավենու ճյուղերի ընծայումը խորհրդանշում է մահվան հանդեպ հաղթանակը:

Ծաղկազարդը խորհրդանշում է նաև արարչության առաջին օրը, երբ Աստված ստեղծեց երկինքն ու երկիրը, և լույսը տարածվելով՝ հալածեց խավարը: 

Այս օրը խորհրդանշում է նաև առաջին ժամանակաշրջանը, երբ բույսերով ու ծաղիկներով զարդարվեց երկիրը, և Ադամն ու Եվան ուրախացան Դրախտում: Եվ ինչպես առաջին ժամանակաշրջանում Կայենը նախանձից սպանեց Աբելին, այդպես էլ հրեաները, չարը խորհելով, սպանեցին Քրիստոսին ու դարձան Կայենի անեծքի ժառանգորդները:

Ծաղկազարդի օրը՝ հրեական Զատկից հինգ օր առաջ, Քրիստոս Իր կամքով եկավ Երուսաղեմ՝ Իր չարչարանքների վայրը, որպեսզի ցույց տա, որ Ինքն է Աստծո Գառը, Ով կամենում է պատարագվել մեր փրկության համար: Քանզի, ըստ Օրենքի, հրեաները զատկական գառը Զատկի տոնից հինգ օր առաջ էին տուն տանում:

Ծաղկազարդի նախօրեին` շաբաթ օրը, կատարվում է նախատոնակ, բացվում է խորանի վարագույրը, իսկ հաջորդ օրը տոնական Ս. Պատարագը մատուցվում է բաց վարագույրով:

Ծաղկազարդի առավոտյան եկեղեցիներում օրհնում են ձիթենու կամ ուռենու ոստեր և բաժանում ժողովրդին: Ուռենու ոստերը, որոնք անպտուղ են, խորհրդանշում են հեթանոսներին, ովքեր պտղաբերեցին միայն Քրիստոսին ընծայվելուց հետո: Ոստերի փափկությունը խորհրդանշում է Քրիստոսի հետևողների խոնարհությունը: Ուռենու ճյուղերը մեր ընծաներն են Տիրոջը, ինչպես Ս. Ծննդյան օրն Արևելքից մոգերի բերած ընծաները:

Հիսուս Քրիստոս մուտք գործեց Երուսաղեմ որպես Թագավոր՝ խորհրդանշորեն ցույց տալով Իր՝ Փառքի թագավոր լինելը, Ով վերացնում է անեծքը և կենդանություն պարգևում: Հիսուս եկավ ավետարանելու աղքատներին, բժշկելու սրտով բեկվածներին, ազատելու գերիներին և տեսողություն պարգևելու կույրերին, ինչպես մարգարեացել էր Եսայի մարգարեն:–0–

Partners News
ԱՌԿԱ գործակալություն
Բաժնի այլ նյութեր
16:07
10 Մայիսի 2021
Վիճաբանություն ԵՊՀ-ում՝ ԿԳՄՍ նախարարի մասնակցությամբ (ՎԻԴԵՈ)
Վիճաբանություն ԵՊՀ-ում՝ ԿԳՄՍ նախարարի մասնակցությամբ.ՎԻԴԵՈ
14:13
10 Մայիսի 2021
Փաշինյան. առաջիկայում մեզ սպասվում է ամենասենսացիոն նորություններից մեկը (ՎԻԴԵՈ)
Փաշինյան. առաջիկայում մեզ սպասվում է ամենասենսացիոն նորություններից մեկը.ՎԻԴԵՈ
13:24
10 Մայիսի 2021
Փաշինյանը նշել է երեք տարվա ընթացքում իր ամենամեծ բացթողումն ու ձեռքբերումը
Փաշինյանը նշել է երեք տարվա ընթացքում իր ամենամեծ բացթողումն ու ձեռքբերումը
12:11
10 Մայիսի 2021
Փորձ երկրորդ. ԱԺ–ն քննարկում է վարչապետի ընտրության հարցը (ՈւՂԻՂ)
Փորձ երկրորդ. ԱԺ–ն քննարկում է վարչապետի ընտրության հարցը.ՈւՂԻՂ
12:02
10 Մայիսի 2021
Դեկտեմբեր՝ մայիսին. Հայաստանի որոշ շրջաններում ձյուն է տեղացել (ՖՈՏՈ, ՎԻԴԵՈ)
Դեկտեմբեր՝ մայիսին. Հայաստանի որոշ շրջաններում ձյուն է տեղացել.ՖՈՏՈ, ՎԻԴԵՈ
11:24
10 Մայիսի 2021
Կորոնավիրուսը Հայաստանում. Հաստատվել է 83 նոր դեպք, 622 մարդ առողջացել է, 15 մարդ մահացել է
Կորոնավիրուսը Հայաստանում. Հաստատվել է 83 նոր դեպք, 622 մարդ առողջացել է, 15 մարդ մահացել է
20:51
09 Մայիսի 2021
Քոչարյանը նշել է Հայաստանի առջև ծառացած երեք գլխավոր խնդիրները (ՎԻԴԵՈ)
Քոչարյանը նշել է Հայաստանի առջև ծառացած երեք գլխավոր խնդիրները.ՎԻԴԵՈ
17:52
09 Մայիսի 2021
Ռոբերտ Քոչարյանն ու ՀՅԴ–ի և «Վերածնվող Հայաստանի» առաջնորդները ստորագրեցին հռչակագիր «Հայաստան» դաշինքի ստեղծման մասին
Ռոբերտ Քոչարյանն ու ՀՅԴ–ի և «Վերածնվող Հայաստանի» առաջնորդները ստորագրեցին  հռչակագիր «Հայաստան» դաշինքի ստեղծման մասին
16:31
09 Մայիսի 2021
Մեկնարկում է Քոչարյանի, ՀՅԴ–ի և «Վերածնվող Հայաստան» կուսակցության համագործակցությունը (ՈւՂԻՂ)
Մեկնարկում է Քոչարյանի, ՀՅԴ–ի և «Վերածնվող Հայաստան» կուսակցության համագործակցությունը.ՈւՂԻՂ
14:57
09 Մայիսի 2021
Հայ ռազմագերիների հարցը մնում է ռուսական օրակարգում. ՌԴ դեսպան
ՀՀ–ում ՌԴ դեսպանն անդրադարձել է Ադրբեջանում պահվող հայ ռազմագերիների խնդրին
11:36
09 Մայիսի 2021
Կորոնավիրուսը Հայաստանում. հաստատվել է 178 նոր դեպք, 457 մարդ առողջացել է, 9 մարդ մահացել է
Կորոնավիրուսը Հայաստանում. հաստատվել է 178 նոր դեպք, 457 մարդ առողջացել է, 9 մարդ մահացել է
11:06
08 Մայիսի 2021
Նախօրեին կատարվել է կորոնավիրուսի 4231 թեստ, հաստատվել է 411 նոր դեպք, 814 մարդ առողջացել է, 16 մարդ մահացել է
Նախօրեին կատարվել է կորոնավիրուսի 4231 թեստ, հաստատվել է 411 նոր դեպք, 814  մարդ առողջացել է, 16 մարդ մահացել է