Հայաստանը հումանիտար օգնությունը ԼՂ հասցնելու հարցով համապատասխան օղակներով նաև Ադրբեջանին է դիմել
27.07.2023,
14:34
Մարդասիրական բեռը գրեթե 20 ժամ գտնվում է Կոռնիձորում, դեռ որևէ տեղաշարժ չկա
ԵՐԵՎԱՆ, 27 հուլիսի./Նովոստի–Արմենիա/. Հայաստանի կառավարության կողմից Լեռնային Ղարաբաղին հատկացված հումանիտար բեռով բեռնված բեռնատարները շարունակում են կանգնած մնալ Սյունիքի մարզի Կոռնիձոր գյուղում․ ՌԴ խաղաղապահ զորակազմից և ադրբեջանական կողմից դեռևս որևէ արձագանք չկա բեռնատարները Լեռնային Ղարաբաղ հասցնելու մասով։
Ինչպես հաղորդում է «Արմենպրես»-ի թղթակիցը, այս մասին լրագրողների հետ ճեպազրույցում հայտնել է ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:
«Մենք գրեթե 20 ժամ է, ինչ գտնվում ենք այստեղ՝ Կոռնիձոր գյուղում։ Ինչպես տեսնում եք, դեռ որևէ տեղաշարժ չկա։ Գործընթացը պահանջում է համբերատար մոտեցում և քայլերի որոշակի հաջորդականություն։ Այս պահին մենք որևէ արձագանք չենք ստացել, սպասում ենք արձագանքի»,- ասել է Սարգսյանը։
Նա ընդգծել է, որ բեռնատարները Լեռնային Ղարաբաղ հասցնելու հարցով սահմանված կարգով դիմել են ՌԴ խաղաղապահ ուժերին և համապատասխան օղակներով դիմել են նաև ադրբեջանական կողմին։ «Ինչպես արդեն նշեցի, այս պահին պատասխան դեռ չունենք»,- ասել է նա։–0–
Ինչպես հաղորդում է «Արմենպրես»-ի թղթակիցը, այս մասին լրագրողների հետ ճեպազրույցում հայտնել է ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:
«Մենք գրեթե 20 ժամ է, ինչ գտնվում ենք այստեղ՝ Կոռնիձոր գյուղում։ Ինչպես տեսնում եք, դեռ որևէ տեղաշարժ չկա։ Գործընթացը պահանջում է համբերատար մոտեցում և քայլերի որոշակի հաջորդականություն։ Այս պահին մենք որևէ արձագանք չենք ստացել, սպասում ենք արձագանքի»,- ասել է Սարգսյանը։
Նա ընդգծել է, որ բեռնատարները Լեռնային Ղարաբաղ հասցնելու հարցով սահմանված կարգով դիմել են ՌԴ խաղաղապահ ուժերին և համապատասխան օղակներով դիմել են նաև ադրբեջանական կողմին։ «Ինչպես արդեն նշեցի, այս պահին պատասխան դեռ չունենք»,- ասել է նա։–0–
Պատճենել հղումը
