Հայաստանում կտրուկ կցրտի, կանխատեսվում է մինչև -20

ԵՐԵՎԱՆ, 3 դեկտեմբերի․/Նովոստի-Արմենիա/․ ՀՀ ՇՄՆ Հիդրօդերևութաբանության և մոնիթորինգի կենտրոնը ներկայացնում է առաջիկա օրերի եղանակի կանխատեսումը։

Մայրաքաղաք Երևանում դեկտեմբերի 03-07-ը սպասվում է առանց տեղումների եղանակ:

Հանրապետության տարածքում դեկտեմբերի 03-07-ը սպասվում է առանց տեղումների եղանակ, գիշերը և առավոտյան լեռնային և նախալեռնային գոտիներում ճանապարհները կպատվեն մերկասառույցով:
Քամին՝ հյուսիս-արևմտյան 2-5մ/վրկ:

Օդի ջերմաստիճանը դեկտեմբերի 03-ին հատկապես գիշերային ժամերին կնվազի 5-7 աստիճանով։
Ամենացածր ջերմաստիճանները սպասվում են դեկտեմբերի 3-ի և 4-ի գիշերը Շիրակում, որտեղ կանխատեսվում է -15...-20։ Լոռիում և Արագածոտնի լեռներում սպասվում է -12...-16, Գեղարքունիքում և Կոտայքի լեռներում սպասվում է -10...-14:

Երևանում առաջիկա հինգ օրերին ցերեկային ժամերին կանխատեսվում է +4...+7, շաբաթ գիշերը ջերմաստիճանը կնվազի՝ հասնելով -2...-4-ի։-0-