Հայաստանում հանվեց երկիր մուտք գործելիս COVID-ի թեստ ներկայացնելու պահանջը

ԵՐԵՎԱՆ, 28 ապրիլի./Նովոստի–Արմենիա/. Վերջին 14 օրվա ընթացքում Հայաստանում արձանագրվել է կորոնավիրուսի ընդամենը 144 դեպք, ինչը, նախորդ նույն ժամանակահատվածի համեմատ, նվազել է 32 տոկոսով, ասաց ՀՀ առողջապահության նախարար Անահիտ Ավանեսյանն այսօր կայացած կառավարության նիստի ժամանակ։


Նա նաև նշեց, որ վերջին ամսվա ընթացքում նկատվում է մահվան դեպքերի կտրուկ նվազում` 14 օրերի ընթացքում գրանցվել է ընդամենը 1 մահ։

«Հաշվիա ռնելով այս կայուն իրավիճակը և աշխարհում հիվանդության նվազման տեմպերը` որոշում է կայացվել հանել պետական սահմանին` ցամաքային և օդանավակայաններում տեղակայված անցման կետերով մուտք գործելիս ՊՇՌ արագ ախտորոշիչ թեստի հետազոտության սերտիֆիկատ և պատվաստման սերտիֆիկատ ներկայացնելու պահանջը։ Այսինքն, այս որոշմամբ, մայիսի 1–ից Հայաստան մուտք գործելիս որևէ պահանջ` կապված COVID–ի հետ այլևս չի գործի»,– ընդգծեց նախարարը։–0–