ԵՐԵՎԱՆ, 20 հունիսի./Նովոստի–Արմենիա/. Հայաստանի մի քանի քաղաքներում անջատվեց էլեկտրաէներգիան արտահերթ խորհրդարանական ընտրությունների քվեարկության ձայների հաշվարկի ժամանակ։
Մասնավորապես, Ապարանում գտնվող 17/27 ընտրատեղամասից տեղեկատվություն է ստացվել, որ ամբողջ քաղաքում էլեկտրաէներգիան անջատվել է։
«Այդ պահին ձայների հաշվարկը դադարեցվել է, քվեատուփը կնիքվել է, հանձնաժողովը ստիպված է եղել սպասել 10 րոպե, հոսանքը միացել է, ինչից հետո հաշվարկը շարունակվել է», – հայտարարեց դիտորդը։
«Նովոստի–Արմենիա» գործակալության աղբյուրը հայտնեց, որ հոսանքն անջատվել է նաև Վանաձորում։
Օգտատերերը հայտնում են, որ էլեկտրաէներգիայի անջատումներ են եղել Գյումրիում, Արմավիրում, Դիլիջանում։
Էլեկտրաէներգիան արդեն վերականգնվել է։
Ընտրությունների մասին
Հայաստանում հունիսի 20–ին անցկացվեցին արտահերթ խորհրդարանական ընտրություններ։ 38 ընտրական տեղամասերում գործում էին 2008 ընտրատարածքներ, քվեարկությունը մեկնարկել է տեղական ժամանակով 08։00–ին և ավարտվել է 20։00–ին։
ԿԸՀ–ի տվյալներով, Հայաստանի ընտրողների ռեգիստրում ներառված է 2մլն 593 հազար 572 ընտրող։
Ընտրություններին մասնակցում է 4 դաշինք և 21 կուսակցություն։ Դրանք են «Արդար Հայաստանը», Հայ ազգային կոնգրեսը, «Քաղաքացիական պայմանագիր» կուսակցությունը, «Զարթոնք» ազգային–քրիստոնեական կուսակցությունը, «Ազատություն» կուսակցությունը, «Պատիվ ունեմ» դաշինքը, «Միասնական Հայրենիքը», «Համահայկական ազգային պետականություն» կուսակցությունը, «Լուսավոր Հայաստան» կուսակցությունը, «Մեր տունը Հայաստանն է» կուսակցությունը, «Հանրապետություն» կուսակցությունը, «Հայոց հայրենիք» կուսակցությունը, «Ազատ Հայրենիք» դաշինքը, «Բարգավաճ Հայաստան» կուսակցությունը, Հայաստանի դեմոկրատական կուսակցությունը, «5165 ազգային պահպանողական շարժում» կուսակցությունը, «Քաղաքացու որոշում» սոցիալ–դեմոկրատական կուսակցությունը, «Շիրինյան–Բաբաջանյան ժողովրդավարների դաշինքը», «Ազգային օրակարգ» կուսակցությունը, «Վերելք» կուսակցությունը, «Ազատական» կուսակցությունը, Հայաստանի եվրոպական կուսակցությունը, «Ազգային–ժողովրդավարական բևեռ» կուսակցությունը, «Ինքնիշխան Հայաստան» կուսակցությունը։–0–
