Հայաստանցի զբոսաշրջիկները կարող են մուտք գործել Կիպրոս, հայտնի են ժամկետներն ու պայմանները

ԵՐԵՎԱՆ, 30 մարտի./Նովոստի–Արմենիա/. Կիպրոսը Հայաստանին ու ևս 15 պետություններին պաշտոնապես ներառել է երկրների «կարմիր» ցանկ, դա նշանակում է, որ այդ երկրներից ժամանող զբոսաշրջիկներն ապրիլի 1–ից կկարողանան մուտք գործել կղզի, գրում է Financial Mirror հրատարակությունը։

Դա նշանակում է, որ այդ երկրներից ժամանող զբոսաշրջիկները կարող են մուտք գործել Կիպրոս, եթե նրանք ունեն առնվազն 72 ժամ առաջ կատարված կորոնավիրուսի բացասական թեստ։ Նրանք պետք է հանձնեն ևս մեկ թեստ կղզի ժամանելուց հետո, որի համար պետք է վճարել։

Կիպրոսի առողջապահության նախարարության կողմից հրապարակված եռամակարդակ ցանկի համաձայն, անվտանգ երկրները դասակարգվում են` որպես «կանաչ», «նարնջագույն» և «կարմիր»։ Կիպրոս ժամանողներին թույլատրվում է մուտք գործել երկիր առանց կարանտինի  մարտյան սահմանափակումների ավարտից հետո։–0–