Հայ դիրքապահներն ադրբեջանցի սահմանախախտ զինծառայողների են ձերբակալել, այսօր նրանք վերադարձվել են Ադրբեջանին

20.12.2021, 21:18
Հայ դիրքապահներն ադրբեջանցի սահմանախախտ զինծառայողների են ձերբակալել, այսօր նրանք վերադարձվել են Ադրբեջանին
Հայ դիրքապահներն ադրբեջանցի սահմանախախտ զինծառայողների են ձերբակալել, այսօր նրանք վերադարձվել են Ադրբեջանին
ԵՐԵՎԱՆ, 20 դեկտեմբերի․/Նովոստի-Արմենիա/․ Դեկտեմբերի 18-ին, ՀՀ ՊՆ N զորամասի պահպանության տեղամասերից մեկում, հայ դիրքապահների կողմից ձերբակալվել են Ադրբեջանի ԶՈՒ երկու սահմանախախտ զինծառայողներ, հաղորդում է ՀՀ ՊՆ-ն։

«Դեկտեմբերի 20-ին, մարդասիրական նկատառումներով և ՌԴ միջնորդությամբ, նշված զինծառայողները վերադարձվել են ադրբեջանական կողմին», - նշվում է գերատեսչության հաղորդագրության մեջ։

Նշենք, որ արդեն 2 օր է՝ հայկական ԶԼՄ-ներում և Տելեգրամ ալիքներում շրջանառվում էին լուրերն այն մասին, որ Սյունիքում երկու ադրբեջանցի զինծառայող է գերեվարվել:-0-